چار یاریزانێن كورد بۆ قارهمانیا ئۆردن هاتنه داخوازكرن
ئهڤرۆ. قهیس وهیس
راهێنهرێ ههلبژارتیێ ئیراقێ یێ نشتیمانی رازی شنێشل 35 یاریزان بۆ پشكداریێ د قارهمانیا ئۆردن یا نێڤدهولهتی دا داخوازكرنا كهمپێ راهێنانێ، ئهوا دهێته چاڤهڕێ كرن ههڤڕكیێن وێ ل 23ێ ههتا 27ێ ههیڤا ب پشكداریا ههلبژارتیێن ئیراق، ئۆردن، سوریا و عهمان بهێت دهستپێبكهت.
د لیستا ناڤێن هاتینه داخوازكرن ژوانا چار یاریزانێن كورد و ڕهڤهندا كورد ل ئۆرۆپا ئهوژی، مێرخاس غازی دوسكی كو خهلكێ پارێزگهها دهۆكێ یه و یاریزانێ یانا سلۆڤاكۆ یا چیكی یه، دیسان كاردۆ سهدیق ژ یانا كریستال پهلاس یا ئنگلتهرا، شێركۆ كهریم ژ یانا كوێت یا كوێتی و ئاسۆ رۆستهر یاریزانێ بهرێ یێ یانا دهۆك و یێ نوكه یێ یانا سالمیه یا كوێتی.
بۆ زانین ئهڤه جارا ئێكێ نینه یاریزانێن ههرێما كوردستانێ و ڕهڤهندا كورد بۆ ناڤ ههلبژارتیێ ئیراقێ دهێنه دخوازكرن نه بتنێ یاریا تهپا پێی بهلكۆ ههموو پرانیا یاریێن وهرزشی و شیاینه سهر ئاستێ ئاسیا و نێڤدهولهتی باشترین ئاست و ئهنجام نیشان بدهن و ههتا نوكه ژی د ناڤ رێزێن تیمێن ئیراقێ یێن نشتیمانی، ئۆلمپی، لاوان و تازهپێگههشتیان و كچان دا ههنه.
