چار یانا داخوازا هه‌لاویستنا پشكداریێ د خولا ئیراقێ دا كریه
ئه‌ڤرۆ،
ب شێوه‌كێ فه‌رمی هه‌ر چار یانێن دهۆك، حلله، سماوه و كه‌رخ داخواز ژ ئێكه‌تیا باسكت بۆلا ئیراقێ كریه كو بۆ وه‌رزێ نوو یێ 2021-2022 بۆ یانێن پلا نایاب رازیبن ل سه‌ر هه‌لاویستنا پشكداریا وان ژبه‌ر كاودانێن دارایی.
د داخویانیه‌كێدا د. خالد نه‌جم سكرتێرێ ئێكه‌تیا باسكت بۆلا ئیراقێ بۆ رۆژناما ئه‌ڤرۆ گوت: ل سه‌ر داخوازا هه‌ر چار یانێن دهۆك، حلله، كه‌رخ و سماوه ژبۆ هه‌لاویستنا پشكداریا خوه د خولا پلا نایاب دا و ب ئه‌گه‌رێ كاودانێن دارایی بابه‌ت هاتیه گه‌نگه‌شه‌كرن كو لدیڤ رێنوما و یاسایێ سه‌ره‌ده‌ریێ ل گه‌ل بكه‌ن دێ قاره‌مانیه‌كا چالاكینیێ بۆ هه‌رچار یانا ل ناڤه‌راستا هه‌یڤا بهێت ل باژێرێ به‌غدا هێته كرن به‌ری ده‌ستپێكرنا خولا پلا نایاب ئه‌وا دێ ده‌ستپێكا چڕیا ئێكێ هێته ئه‌نجامدان ژبۆ په‌سه‌ندكرنا پشكداریا وان د خولا نایاب دا بۆ وه‌رزێ دویڤدا.
ژلایه‌كێ دیڤه ناڤهاتی ئه‌وچه‌نده ژی دیاركر كو گڤاشتنێ ل سه‌ر چو یانا ناكه‌ن بۆ پشكداریێ د پلا نایاب دا لێ قاره‌مانیا چالاكینیێ وه‌كو پێنگاڤه‌كه بۆ په‌سه‌ندكرنا ئه‌وان تیمێن داخوازكری دد و به‌رچاڤكرنا كاودانێن وان یێن دارایی.
