چار یانەیێن دی یێن پارێزگەهێ پشتەڤانێن لیستا 275ێ نە
شاهۆ فەرید:
هەر ئێك ژ سەرۆك و جێگرێن یانەیێن پیرس، سێمێل، تەناهی و پۆلیتەكنیكی پالپشتیا خوە بۆ لیستا 275ێ یا پارتی دیموكراتی كوردستان دۆپات دكەن و ئەوێن بۆ رۆژنامەیا ئەڤرۆ دڤێ ڕاپۆرتێ دا دیاركرینە.
ل دەستپێكێ جاسم شەعبان سەرۆكێ یانەیا تەناهێ گۆت: ئەم وەكۆ كارگێریا یانەیێ پالپشتیا خوە بۆ لیستا خوینا شەهیدان و خزمەت و خوەراگریێ دكەین، لیستا سەرۆك بارزانی یە هیڤیدارین هەموو خەلك و تایبەت وەرزشڤان پالپشتیێ و پشتەڤانیێ 275ێ بكەن، بڤێ هەموو خەونێن مللەتێ مە دێ بجهئێن رۆژا گەشا وەلاتێ مە هەلێت ببینە وەلاتەكێ سەربەخوە، داخازا سەركەفتنێ بۆ لیستا پارتا مە و كاندیدێن مە دكەین، بژیت كورد بژیت بارزانی.
ژلایەكێ دووڤە جێگریێ سەرۆكا یانەیا پۆلیتەكنیكی سەركەفت رەشید گۆت: پشتەڤانێن لیستا 275 یا پارتی دیموكراتی كوردستانین، چاڤەرێ كارێن باشترین ژ ئەڤێ لیستێ تایبەت بۆ تەخا وەرزشی، داخازا سەركەفتنێ بۆ كاندیدێن ئەڤێ لیستێ دكەین، داخازێ ژوان دكەین هەموو بزاڤان بكەن بشێوەكێ باشتر كاروباریێن وەرزشی ل كوردستانێ و ئیراقێ رێڤەبەن.
هەروەسا دكتۆر بەهزاد سالح سەرۆكێ یانەیا پیرس پالپشتیا خوە بۆ لیستا 275ێ راگەهاند دیاركر: ئەم ژی وەكۆ یانەیا پیرس پالپشتێن لیستا خوەینە لیستا دایك، داخازا سەركەفتنێ بۆ لیستێ گشتی و هەر كاندیدەكێ دخوازیین، هیڤیا وێ چەندیی كارێن باش بۆ وەرزشێ بهێنەكرن، بەردەوام بن پالپشتیێ هەمی ئاست و قارەمانیا خولا دا، هەولبدەن وەرزشا دهۆكێ تایبەتی بەر ب پێشكەفتنێ ببەن، دووڤ كارێ هەر یانەیەكێ مافێن وانا بدروستاهی پێشكێشبكەن و هیڤیێن گەنج ولاوان گەشبكەن، دووبارە ئەم پالپشتیێن ئەڤێ لیستێینە، ئەم هەمی پێكڤە كاربكەین بۆ سەرئێخستا وێ، چۆنكو ئەڤ لیستەیە بەرگریێ ماف و دەستكەفتێن ئەڤێ هەرێمێ دەكەتن.
ژلایێ خوەڤە هاریوان عابد سەرۆكێ یانەیا سێمێلی پالپشتیا خوە بۆ لیستا 275 یا پارتی دیموكراتی كوردستان دیاركر گۆت: ئەم وەكۆ وەرزشڤان و یاریزان وكارگێریا یانەیا سێمێلێ یا وەرزشی پشتەڤانیا لیستا 275ێ دكەین، ئەم هەمی كاردكەین بۆ سەركەفتنا ئەڤێ لیستێ یا سەرۆك بارزانی، داخازا سەركەفتنێ بۆ هەموو كاندیدێن بەرێز دكەین، داخازێ ژوان كاندیدا دكەین ئەوێن نوونەراتیا مە بكەن پەرلەمانێ ئیراقێ پالپشتیا وەرزشێ بكەن، هەولبدەن وەرزشا پارێزگەها دهۆكێ گشتی بەر ب پێشكەفتنێ ڤە ببەن، سەر مافێن وەرزشڤانا كوردستانێ بەرگریێ ژیێ بكەن.
