چاكسازى ژ سكهتهرێ ساخلهمیێ دهسپێدكهت
بهدرخان زاویتهى
ئاشكرا یه كو كههرتێ ساخلهمیێ ل ههرێما كوردستانێ د ناڤا گهلهك قووناغێن سهخت و ههرهشهیێن مهزن را دهربازبوویه، بهلێ سهرهراى ڤێ چهندێ، حوكمهت شیایه بهرقهراریا وێ بپارێزت چهندى د شیان دابیت، و پێشكێشكرنا ئهوا د شیان دا بكهت ژ خزمهتگوزاریان بۆ ههڤوهلاتیان و ل گهل ڤێ چاكیێ یا فهره ژ ڤى سهكتهرى دهستپێبكهت! بهلێ ل كهسێ ناهێته ڤهشارتن كو ئهڤ سهكتهره بوویه پهنگهههكێ ئارام و ب ستاره بۆ بهرژهوهندیێن هندهك جێبهجێكاران ل ههرێمێ و دهستكهفتهكێ باش بۆ هندهك بازرگان و وهبهرهێنهران بۆ فایدهكرنا نهیا رهوا ژ بهر دۆخێن تایبهت كوردستان تێدا تێپهری یه و
ئهڤى كهرتى گهلهك كارتێكرن ڤێكهفتیه ژ كریارێن ڤان بازرگانان ژ بارزگانیێ و ئهوان رهفتاران ئێدى سیمایهكێ ماددى ب سهر مرۆڤاتیێ دا گرتیه، د سلهكهكى دا كو پتریا شیانێن وى و كارێ وى و پرهنسیپێن وى د تهرخانكرینه بۆ خزمهتكرنا مرۆڤاتیێ، لهورا سهرهراى بریارێن حوكمهتێ كو سهرۆكێ حوكمهتێ نێچیرڤان بارزانى ئیمزا ل سهر كریه ل رۆژا 16/10/2018 چهندهكێ گیرۆ هاتیه بهلێ ل ههمان دهمى گهلهك گرنگ دهێته دانان و كهسێ ژى ویرهكى نهبوویه ڤێ ئێكێ ئهنجامبدهت ژ بلى كهسێ وى و ئهو حزبا ئهو ب سهرڤه، ئهڤه ژى ئاماژهكه ل سهر دهسپێكا قووناغهكا نوو و ژ دل بۆ پێرابوونا چاكسازیێن پێدڤى. ل ڤێره دڤێت ئاماژه ب وان قووناغێن ساخلهمیا ههرێمێ تێدا بۆری بهێتهكرن و دكارین د سێ قووناغێن گرنگ و نهخۆجه را بۆخته كهین!.
قووناغا ئێكى یا پێش سهرهلدانا پیرۆزا سالا 1991 حهتا روخیانا بهعسیان ل عیراقێ سالا 2003 و قووناغا دویێ پشتى رۆخیانا رژێمێ حهتا سالا 2014 و شهرێ داعش و حهتا نها د ههر سێ قووناغان دا، سهكتهرێ ساخلهمیێ تووشى دۆخ و بلندبوون و نزمبوونێ بوویه و ل سهر چهندین بیاڤان و دچهندین قووناغان دا، ئارمانجا سهرهكى ژێ ئهوه خزمهتكرنا ههڤوهلاتیان، ل بهرامبهر ژى ههڤوهلاتى مهزنترین قوربانى بوو ژ بهر تێكچوونا ڤى سهكتهرى. ئهڤجا د قووناغا پشتى سهرهلدانا ئادارا سالا 1991 پتریا سكهتهرێن حوكمهتێ یێن رۆخیایى بوون و ب تایبهت یێ ساخلهمیێ.
چونكو ژیوارێ خزمهتگوزارى و ئهمنى و سیاسى و ئابوورى یێ خراببووى بوو و ژبلى دۆرپێچا سهپاندى ل سهر عیراقێ وهكو ههمى ژ لایێ جڤاكێ نیڤدهولى، عیراقێ ب خوه ژى دۆرپێچهكا دى یا ئابوورى دانابوو سهر ههرێمێ و ههمى پشتبهستیا حوكمهتێ د رێڤهبرنا نهخۆشخانهیان دا بوو و دابینكرنا دهرمانان و خزمهتان ل سهر رێكخراوێن نیڤدهولى بوو، ئهڤه ژ لایهكى ڤه و ژ لایهكێ دى ڤه ههرێم تووشى شهرهكێ ناڤخوه ببوو ژ لایهكى ڤه وشهرهك ژى ل گهل پهكهكێ و دابهشبوونا ههرێمێ بۆ دو ئیدارهیان، ئهڤێ ههمیێ باندۆرهكا مهزن ههبوو ل سهر ساخلهمیا ههرێمێ و نهشیانا وێ كو یا پێدڤى بكهت ل ههمبهرى ههڤوهلاتیان.
قووناغا دیتر ژى دهێته ههژمارتن وهكو قووناغا زێرین دهربارهى ئیدارا ههرێما كوردستانێ وهك گشتى، بهلێ وهكو بیاڤهكێ گرنگ ژ حوكمهتێ، چونكو وهبهرهێنانێ تێدا دهسپێكر و ئاڤاكرنا نهخۆشخانهیان و پێشخستنا سیستهمێ ڤاكسیدانێ و باشكرنا خزمهتان و پێشخستنا خواندنا بلند یا زانكۆیێ یا گرێداى ساخلهمیێ و دابینكرنا میلاكێ پێدڤى و دامهزراندنا كۆمهلگههێن نۆشدارى و كارگههێن دهرمانان و تشتێن دیتر، بهلێ خوه حهتا ئهڤ قووناغه ژى بێبههرنهبوویه ژ ئاریشه و كارتێكرنێن وێ یێن نهرێنى، چونكو ههر ژ بلى چاكبوونا بارودۆخێن ژیارێ و بلندبوونا داهاتێ تاكى، ئێدى بهایێن ههمى كهلوپهلان ژى بلندبوون و بابهتێ ڤهدیتنا كارى و مفایێ و مادهیهت ل سهر كیستێ ئارمانجا سهرهكى بوو، ئهو ژى خزمهتكرنا ههڤوهلاتیان نه. ئهڤه بوو پێشخستنا ڤى سهكتهرى گیرۆ كرى و ڤهدیتنا چارهسهریێن شوونگر بۆ سیستهمێ ساخلهمیێ یێ دسهپینیت و دهێته ههژمارتن وهك سیستهمهكێ كهڤن ناگونجیت ل گهل ڤان جۆره بارودۆخان.
دیسا ژى قووناغا سیێ كو ژ بڕینا بۆدجهیێ دهسپێكرى ژ لایێ بهغدا ڤه ل دهسپێكا سالا 2014 و پشتى شهرێ داعش و ههتا نها ژى دهێته دانان و ب ههمى پیڤهرن وهكو خرابترین قووناغ و مهترسیدارترین و ژ ههمى لایهنان ڤه ئهو ژى ژ بهر دۆرپێچا بهغدا ل سهر ههرێمێ و دابرینا بۆدجێ و شهرێ ل گهل داعش و ئاوارهبوونا پتر ژ دو ملیۆن مرۆڤان ژ چهندین دهڤهران و پهنابوون ههرێمێ و داگرتنا ئهنیێن شهرى ب میلاكێ ساخلهمیێ بۆ چارهسهركرنا بریندار و شههیدان و بهردهوامبوونا ئاریشهیان و ناكۆكیێن سیاسى د ناڤبهرا لایهنێن كوردى دا ل نیڤا ههرێمێ و پێشێلكرنا دیمهنێ ڤى سهكتهرى ژ لایێ هندهك جهێن میدیاى ڤه، ئهڤ ههمى ئهگهر و بارودۆخان ژ هێز و ناڤودهنگیا ڤى سهكتهرى خواریه گهلهك و گهلهك و ئێدى چوو ل سهر لێڤا رۆخیانێ و د ڤێ قووناغێ دا حوكمهت نهچار كری ژى كو پشتبهستێ بكهت ل سهر كۆمپانیێن تایبهت بۆ دابینكرنا دهرمانان و كهلوپهلێن پێدڤى بۆ داگرتنا پشكهكێ ژ پێدڤیێن خوه و ل دووماهیێ ژى دهلیڤه ل بهرامبهرى ڤان كۆمپانی و بهرهێنهران ڤهكر كو كهیسا خوه ل بارودۆخان بگرن، یێن كو ب سهر حوكمهتێ را دبۆرن و گههشته وى رادهی كو چاڤێن خوه ل گهلهك سهرپێچیان بنقینیت ژ بهر وان بارودۆخێن سهخت!!، لێ پشتى بۆرینا وان بارودۆخان حهتا رادهكى و پێرابوونا ههلبژاتنان ل ههرێمێ 30/9/2018 و ئهنجامێن ژێ دهركهفتین و بدهستڤهئینانا پارتى دیمۆكراتى كوردستان بۆ 45 كورسیان، دیاره كو پارتى بریار ب ئهنجامدانا چاكسازیان دا ب گشتى ل ههرێمێ و دهستپێكر ب دروستى ب چهندین بریارێن ڤهبڕى یێن سهكتهرێ ساخلهمیێ و پتریا وان ژى گرێداى درێژیا دهستێ بازرگان و وهبهرهێنهران بوون د ڤى بیاڤى دا و دانانا رادهكى بۆ دوباره دانانا ههیكهلى و راستڤهكرنا قانوونێن وێ دا بگونجن ل گهل بارودۆخان و پێدڤیێن نها و یێن داهاتى بۆ ههڤوهلاتیێ كوردستانى.
ئها ژڤێره دیاردبیت كو بهرنامهَ حوكمهتێ دانایى بۆ دهمێ داهاتى دخوازت كو پارتى یا ب هێز بیت تێدا بۆ بجهئینانێ و گهلێ كورد ژى باوهرى دا پارتى د ههلبژارتنان دا بۆ بجهئینانا بهرنامێ خوه و پێكئینانا حوكمهتهكا ب هێز بۆ خوهبهرههڤكرن بۆ قووناغا سهخت یا ل دهڤهرێ ددهت،ئهڤه ژى وێ رامانێ ددهت مللهت رابوویه ب وى ئهركێ دكهڤیته ل سهر ملان و نها ژى رۆلێ سهركرداتیا سیاسى دهێت و ب تایبهت ژى پارتى كو ب چاكسازیێن گشتى راببیت یێن كو ههڤوهلاتیى ژمێره چاڤهریێ یه.
و/ ئهڤرۆ
