چالنج
ئاواز مەسعود
چالنج بەریكانە پێشبركێ ب ترۆمبێلان، ئەڤە هەموو ئەڤرۆ بووینە دیاردە یان ژی دشێن بێژین یێ دبنە دیاردە، ڤێجا چو ب بە هانەیا ئاهەنگ گێڕانان بیتن، یان ژی سەركەفتنەك بیتن یان هەر خۆشیەكا دی بیتن كو كرنا ڤان بەریكان و چالنج و پێشنبركیان، لێ ئەگەر ئەو شۆفێرێ ب ڤێ دیاردێ رادبین بزانن كانێ مەترسیا ڤێ بەریكانێ چەندە دێ ژوو زانین ئەڤە یا خەلەتە، چونكی هەردەم مە گۆتیە شۆفێری هونەر و رەوشت و خۆشی یە، چونكی ب هونەر و رەوشتێ خۆ یێ جوان یێ هاژۆتنا ترۆمبێلێ دێ خۆشیێ ژێ بینی و دێ خۆشیێ دەیە دەوروبەرێ خوە ژی دناڤ جادێ دا، چونكی ل دەمێ تۆ شۆفیرێ بی تۆ شۆفێرێ پێنج ترۆمبێلان نە تنێ یا خوە د هاژۆی بەلكی هەر لڤینەكا خەلەت راست چەب ستۆپ گرتن یان بەرسینگێ تە دێ تە تووشی روودانێ كەتن و خودێ دزانیتن كانێ قورتالبوونە ژ روودانێ یان ژی شوینی و تازی یە یان مانە حەتا حەتایێ لسەر پشتێ ژ بەر ڤێ خەلەتیێ، ئەڤە ژی پتریا جاران ژلایێ گەنجان ڤە دهێتەكرن و ئەڤ دیاردە دبیتە چالنج چونكی گەنج د هەموو هێز و وەزیا خودایە و هێزا خوە دترۆمبێلێ دا د دەرئێخێتن لەزاتیەكا زۆر یا لێزڤرینەكا خەلەت و مەترسی یان كرنا زگزاكان دناڤبەرا ترۆمبێلان دا ژبەر هندێ پێدڤی یە هەموو كەس یان هەر كەسەكێ دبیتە شۆفێر خوە رەوشەنبیربكەتن و مەترسێن ڤان جۆرە دیاردەیان بزانیتن داكو تووشی مەترسێن مەزن نە بیتن چونكی پەشیمانی ل هەر تشتەكی فایدە ناكەتن و گەلەك قوربانی ڤان چالنجانە نوكە ژی د دهۆكێ دا دژین لێ ژیانەكا ب زەحمەت نە وەكی ژیانا بەری چالنج دەستپێكری و گەلەك جاران ئەڤ دیاردە ب شەڤێ دهێنەكرن دەمێ جادە ڤالا دبن ژ ترۆمبێلان.
