چامپیۆنزا ئەڤرۆ ب دیدارێن ئاگرین دێ دەستپێكەن
چاڤەڕێ دهێتە كرن ئەڤرۆ ل دانێ شەڤێ نەهـ یاری ژ هەڤڕكیێن گەڕا دویێ یا یا قۆناغا خول ژ قارەمانییا یانەیێن ئۆرۆپا قارەمانێن خولا چامپیۆنز لیگ بهێنە كرن، مەزنە یانەیێن ئۆرۆپا دناڤبەرا هەڤڕكێن نوو و پێشتر دانە و بڤی ڕەنگی.
كایرات- ریال مەدرید
بڕیارە ئەڤرۆ ل دەمژمێر 7:45 شەڤ یانەیا ریال مەدرید یا ئسپانی ببیتە مێڤانا یانەیا كیرات ئالماتی یا كازاخستانی كو دهێتە هژمارتن بۆ جارا ئێكێ د دیرۆكا خوە دا ئەڤ یانە پشكداری چامپیۆنزێ بیت، ریال مەدرید داخوازكرینە ژبۆ ڤەگەڕاندنا سەركەڤتنا پشتی خوسارەتییەكا مەزن ل سەر دەستێ جیرانا خوە ئەتلەیكۆ مەدرید ب پێنچ گۆلان بەرانبەر دو گۆلان، د گەڕا ئێكێ یا چامپیۆنزێ ریال بزەحمەت ژ ئاستەنگا مارسێلیا یا فرەنسی دەربازبوو ب2-1 گۆلان، ژلایێ خوە كیرات ب4-1 تووشی خوسارەتیێ بوو بەرانبەر سپۆرتینگ لەشبۆنە، دبیت بۆچوون هوسا دیاردكەن ریال سەركەڤیت، لێ د فوتبۆلێ دا سۆپرایز هەنە.
ئەتالانتا- كلۆپ برۆج
یارییا دویێ یا دەمژمێر 7:45 شەڤ بهێتە كرن دناڤبەرا خودانێن ئەردی ئەتلانتا یا ئیتالی و كلۆپ برۆچ یا بەلجیكی هێتە كرن، د گەڕا ئێكێ دا ئەتلانتا دگەل قارەمانا وەرزێ بۆری پاریس سانجێرمان تووشی خوسارتیەكا مەزن بوو ب4-1 گۆلان، ژلایێ خوەڤە كلۆپ برۆجێ ب 4-1 گۆلان سەركەڤتن ل سەر مۆناكۆ یا فرەنسی ئینابوو.
حەفت یاریێن مایی دێ ل دەمژمێر 10 شەڤ هێنە كرن بڤی شێوەی
چێلس- بەنفیكا
یانەیا چێلسی دێ ل یاریگەها خوە یانەیا بەنفیكا یا پۆرتۆگالی مێڤان كەت، هەردو یانە د گەڕا بۆری دا تووشی خوسارەتیێ بوون، چێلسی دگەل بایرنێ ب3-1 و بەنفیكا دگەل كاراباك یا ئازەربێجانی خوسارەت بوون، هەردو یانە دێ بزاڤێن قەرەبوویێ كەن، ئەڤ یارییە دبیتە دیدارا ئێكێ یا فەرمی و دیرۆكی دناڤبەرا هەردو یانەیان دا.
باڤۆس- بایرن میۆنخ
یانەیا ئەی ئی بی باڤۆس یا قوبرسی دێ ل یاریگەها خوە یانەیا بایرن میۆنخ یا ئەلمانی مێڤان كەت، دبیت ئەركێ یانەیا ئەلمانی بزەحمەت نەبیت ئەوا باشترین دەمێ خوە دا ل خولا ئەلمانیایێ دبۆرینیت و گەرا ئێكێ یا چامپیۆنزێ سەركەڤن ل سەر چێلسی ئینابوو، لێ یانەیا قوربس ئەوا وەكهەڤ بووی بەرانبەر ئۆلمپیاكۆس ب مۆرالەكا بلند شەڕی بۆ ئەنجامی بكەت و ببیتە سۆپرایزەك بۆ بایرنێ.
گالاتا سارایی- لیڤەرپۆل
یارییا ئەڤشەڤە بۆ لیڤەرپۆلا ئنگلتەرایێ بەرانبەر خودانێن ئەردی گالاتا سەرایی یا بزەحمەتە، ژبەركو دناڤ ئەردێ وێ دایە و دیسان خوسارەتییا یارییا بۆری یا یانەیا توركی بەرانبەر ئینتراخت فرانكفۆرتێ ب 5-1 گۆلان نەچاركرییە ئەڤرۆ جەماوەرێ خوە ئاشت بكەن، لێ یانەیا لیڤەرپۆل ئەوا سەركەڤتی ل سەر ئەتلەتیكۆ مەدرید خودان پێكهاتییەكێ بهێزە ئەرێ دێ شێن خوە ژ ئاستەنگا یانەیا توركی دەربازكەن.
بۆدۆ گلیمت- تۆتنهام
ژلایێ خوەڤە یانەیا توتنهام یا ئنگلتەرایێ ئەوژی دێ ژدەرڤەیی یاریگەها خوە بەرانبەر یانەیا بۆدۆ گلێمت یا نەرویجی كەت، د گەڕا ئێكێ دا توتنهام ب گۆلەكێ سەركەڤتن ل سەر ڤیاریالا ئسپانی ئینابوو، كلێمت ب دو گۆلان دگەل سلاڤیا براگ وەكهەڤبوو.
ئەتلەتیكۆ مەدرید- ئینتراخت فرانكفۆرت
یارییەكا دی یا ب هێز و هەڤڕكی دناڤبەرا خودانێن ئەردی ئەتلەتیكۆ مەدرید و ئینتراخت فرانكفۆرت یا ئەلمانی، هەردو یانە د حەفتییا بۆری دا سەركەڤتن ئینابوو، لێ ئەتلەتیكۆ ل خولا ئسپانیا بەرانبەر ریال مەدریدێ لێ د چامپیۆنزێ دا بەرانبەر لیڤەرپۆل3-2 تووشی خوسارەتیێ بوو، ئینتراخت فرانكفۆرتێ بەرانبەر گەلاتا سەرایی ب5-1 گۆلان.
ئنتەر میلان- سلاڤیا براگ
ژلایێ خوە یانەیا ئنتەر میلانا ئیتالی دێ بزاڤێ كەت سەركەڤتنا دویێ د چامپیۆنزێ دا بینت پشتی یانەیا سلاڤیا براگ یا چیكی مێڤان كەت پشتی دگەڕا ئێكێ دا ب2-چنە سەركەڤتن لسەر ئەیاكس ئینابوو، بەرانبەر دا سلاڤیا ب دو گۆلان دگەل بۆدۆ گلیمینت وەكهەڤبوو.
مارسیلیا -ئەیاكس
یارییەكا دی یا خوەش دچارچووڤەیێ چامپیۆنزێ دا، یانەیا مارسیلیا یا فرەنسی دێ مێڤاندارییا ئەیاكس ئەمستردام یا هولەندی كەت، هەردو یانە د گەڕا ئێكێ دا خوسارت ببوون، یانەیا فرەنسی دگەل ریالی تووشی خوسارەتیێ بوو، ژلایێ خوە ئەیاكس دگەل ئینتەر میلانێ خوسارت بوو.
