چاوان دێ جلکێن خوە ھەلبژێری ؟
ئەڤرۆ نیوز:
دەمێ ژن رەنگێ گونجای یێ جلکان د ھەلبژێریت ل دووڤ رەنگێ دێمێ خوە، سەروبەرەکێ جوان دەتێ و پتر باوەریا وێ ب وێ دھێت، رەنگ دبیتە فاکتەرێ سەرنج راکێشانا دەوروبەران. زوربەیا ژنان رادبن ب کرینا جلکان بێ کو رەنگێ دێمێ خوە و پرچا خوە بەرچاڤ وەربگرن. ھەلبژارتنا رەنگێ گونجای دێ ھاریکار بیت بۆ دیارکرنا جوانیا دێمێ تە و چاڤێن تە و سەروبەرێ تە ژی پێ ماقوول دبیت.
ــ دێمی سپی: کچێن دێمێ وان سپی باشترە جلکێن رەنگێ پیڤازی و سوور و شین لبەر خوە بکەن و ھەر رەنگەکێ تێکەل یێ گونجای بو وان، ژ رەنگێن پێتی دوورکەڤە وەکو زەری و قەھوایێ ڤەبووی.
ــ دێمێ رەنگێ گەنمی دەت: کچێن دێمێ وان ب ڤی رەنگی دشێن جلکێن رەنگێ موور و پیڤازی و کەسک و زەری ژی لبەر خوە بکەن دێ دێمەکێ رۆھن ب دەست کەڤیت، دیسا رەنگێ سوور و سپی ژی یێ گونجایە ل گەل دێمێ وان.
ــ دێمێ ئەسمەر: خودانێن دێمێ ئەسمەر رەنگێ موور و پرتەقالی ب ھەلبژێرن دێ دێمەکێ بریقەدار ب دەست ھەوە کەڤیت، جلکێن رەنگێ رەش لبەر خوە نەکەن چونکو رەنگێ دێمی تاری دکەن.
ــ دێمێ وەستیای: رەنگێ گەلەک گونجای بۆ کچێن ئەڤ دێمە ھەی سپیێ تەیسوکە، ل گەل رەنگێ سپی دشێن رەنگێن تاوی لبەر خوە بکەن مینا پیڤازی و شین، دیسا دشێن رەنگێ رەش ژی لبەر خوە بکەن.
