چاوا ئۆكسجین بۆ وان کەسێن دناڤ فرۆکێ دا دهێتە دابینکرن؟
ئەڤرۆ نیۆز،تۆڤی:
فرۆکەڤانەکێ كورد زانیاریا سه‌باره‌ت چاوانیا دابینكرنا ئۆكسجینی بۆ وان کەسێن دناڤ فرۆکێ دا ئاشكرا د‌كەت.
گەلەک ژ وان کەسان یێن كو ل چیایێ هیمالایا دا سه‌ردكه‌ڤن،دەمێ نێزیکی لوتكه‌یا ئه‌ڤه‌ریست د‌بن،کو بلنداهیا وی 8 هزار و 848 مه‌ترن،روو ب روو كێمیا ئۆكسجینی د‌بن،گەلەک ژ وان ب ئەگەرێ نه‌بوونێ یان ژی ته‌مامبوونا كه‌پسولێن ئۆكسجینی دلێ وان دبوریت یان ژی گیانێ خوە ژ ده‌ست ددە‌ن،ره‌نگه ئەم پرسیار بکەین کو چاوا ئوکسجین بۆ وان کەسێن دناڤ فرۆکێدا دهێتە دابینکرن و ژێدەرێ ئۆکسجینی ژ کیڤە بۆ وان دهێت؟.
دلشاد ستار فرۆکەڤانەکێ كوردە ل وەلاتێ بریتانیا،بۆ باس گۆتیە: “تۆرباینێن فرۆكێ كو كارێ وان راكێشانا گه‌ردیلێن هه‌وایه و هه‌ولددەت زۆرترین هه‌وای بمێژیت بۆ هندێ ب په‌ستێویت و ل گەل سووته‌مه‌نیێ تێكه‌ل بكەت و هێزا پالنانێ بۆ پێشڤە دروست بكەت،دناڤا تۆرباینان دا بەشەک هه‌یه دبێژنێ (Bleed air system) کو ئه‌ڤ سیسته‌مه به‌شێ پێدڤی یێ هه‌ناسه‌دانێ و هەڤسه‌نگكرنا په‌ستانا هه‌وای ژ تۆرباینان ڤەدگۆهێزیت بۆ ناڤ فرۆكێ و ب ڤی رەنگی ئۆكسجین د‌گه‌هیتە کەسێن دناڤ فرۆکێ دا.
ئەو ژی گۆتیە كو گه‌رماتیا ناڤ تۆرباینان دا ئۆكسجینی گه‌رم دکەت،چونكی ل بلنداهیا 10 هزار مه‌تران پلا گه‌رماتیێ دهێتە خوار بۆ ژێر 60 پلێن سیلیزی.
