چاوا دێ جهێ مۆبایلا خۆ یا بەرزەبووی بینی؟

سندس سالح سلێڤانەی

ل جیهانا دیجیتالێ ئەڤرۆ، پاراستنا زانیاریێن کەسی و ئامێرێن مە یێن گرنگ گەلەک پێدڤیە ئەپل ئەکاونت و سیستەمێ iCloud ئێک ژ باشترین چارەسەریانە بۆ پاراستن و گرێدانا تلەفۆن و کەرەستێن دی.
چاوانیا کارکرنا iCloud بۆ دیتنا تلەفۆنێن بەرزەبووی
ئەگەر مرۆڤ تلەفۆنێ خۆ ب ئەپل ئەکاونت و iCloud ڤە گرێدەت، ئەڤە چەند خالێن ئەرێنی دگەل خۆ دئینیت:
– دیتنا جهێ تلەفۆنێ:ب بەرنامێ «دیتنا ئایفۆنێ من» (Find My iPhone) کو ل سەر هەر ئامێرەکێ دی یان وێبسایتێ iCloud.com کاردکەت، مرۆڤ دشێت جهێ تلەفۆنا خۆ ببینیت.
– دەنگ لێدان-ئەگەر تلەفۆن ل نێزیک بیت لێ ناهێتە دیتن، مرۆڤ دشێت دەنگەکێ لێ بدەت دا بزانیت ل کیڤەیە.
– بەرزەکرنا تلەفۆنێ:ئەگەر تلەفۆن کەفتە دەستێ کەسەکێ دی، مرۆڤ دشێت وێ قوفل بکەت دا کەس نەشێت زانیاریێن ناڤ دە ببینیت.
– پاقژکرنا زانیاریان ژ دوور:ئەگەر مرۆڤ بزانیت کو تلەفۆن ناهێتە زڤراندن دشێت هەموو زانیاریێن ناڤ دا ژناڤ ببەت دا نەکەڤن دەستێ کەسێن نەباوەر.
باشییێن دی یێن گرێدانێ ب iCloud
– پشتەڤانیا زانیاریان:زانیاریێن گرنگ وەک وێنە، ڤیدیۆ، پەیام، ناڤنیشان و پەیوەندی ل سەر iCloud دهێنە پاراستن و ئەگەر تلەفۆن ژ دەست چوو، ئەو زانیارە بەرزە نابن.
– بەلاڤکرنا زانیاریان:ئەگەر مرۆڤ چەند ئامێرێن ئەپل هەبن، زانیاری دناڤبەرا هەمیان دا دهێن بەلاڤکرن ب رێکا iCloud.
– پارێزگاری:ئەپل سیستەمێن پارێزگاریێ یێن بهێز بکاردئینیت دا زانیاریێن بکارهێنەران بپارێزیت.
چاوانیا ڤەکرنا ڤێ تایبەتمەندیێ:
١- چوونا ناڤ رێکخستنێن تلەفۆنێ
٢- پەسندکرنا ئەپل ئەکاونت و پاسوۆردێ
٣- ڤەکرنا iCloud
٤- ڤەکرنا بەرنامێ «دیتنا ئایفۆنا من»
گرێدانا تلەفۆنێ ب iCloud ڤە رێکەکا گەلەک باشە بۆ پاراستنا ئامێرێ تە و زانیاریێن ناڤ دا نە ب تنێ ئەو تلەفۆنێ تە دپارێزیت لێ هەروەسا دبیتە ئەگەر کو تو بشێی وێ ب ساناهی ببینی کاتێ کو بەرزە دبیت.
هەرچەندە کو ئەڤ سیستەمە تلەفۆنێ تە ناڤەگەرێنیتەڤە ئەگەر ب راستی هاتبیتە دزین، لێ دشێت هەر نەبیت زانیاریێن تە یێن گرنگ بپارێزیت و رێکەکێ بدەتە تە دا تو جهێ وێ بزانی.
لەوما:ئەم شیرەت دکەین هەر کەسەک ڤێ تایبەتمەندیێ بکار بینیت دا زیانێن کێمتر ببینیت ئەگەر تلەفۆن ژ دەست چوو.

کۆمێنتا تە