چاڤدێرێن سیاسی: تالیبان دێ ئه‌فغانستانێ تووشی كاره‌ساتێن مه‌زن كه‌ت
ئه‌ڤرۆ:
رێكخراوا مافێن مرۆڤی یا ئورۆپا و ب ده‌هان سازی و رێكخراوێن دی یێن مافێن مرۆڤی ل جیهانێ دیار كرن كو تالیبانێ د ماوه‌یێ چه‌ند رۆژێن بۆری دا هونه‌رمه‌نده‌كێ ناڤدار یێ ئه‌فغانستانێ كوشتیه و موزیك قه‌ده‌غه كریه و هه‌روه‌سا گه‌له‌ك بریارێن دی یێن توند داینه كو ئه‌و یه‌ك دێ ئه‌فغانستانێ بۆ سه‌د سالان پاشڤه ڤه‌گه‌رینیت و بێگومان دێ ئه‌فغانستانێ تووشی كاره‌ساتێن مه‌زن كه‌ت.
ل ئالیێ دی چاڤدێرێن سیاسی ژی دیار دكه‌ن كو چو گوهۆرین د هه‌لوه‌ستێ تالیبانێ دا نینن و تالیبان هه‌ر رێكخستنا هشكباوه‌ر یا جارانه و هه‌كه وه‌لاتێن جیهانێ ل هه‌مبه‌ر ره‌وشا نها ل ئه‌فغانستانێ بێده‌نگ بن دێ تالیبان ئه‌فغانستانێ تووشی كاره‌ساتێن مه‌زن كه‌ت.
