چاڤكێ كامیرا پەیڤان
وەعد عەبدولرەحمان
د رۆژا زمانێ دایكێ دا
چاڤكێ كامیرێ
وەكی گولەكا د شویشەیی دا
گەش دبیت و ڤەدبیت
دێمێ پەیڤان
د مەشیانا وان یا پێخاس دا وێنە دكەت
ل سەر پرێن بیردانكەكا كاڤلكری
ئەو ژی دگەل وان دبیت بزاڤەك وەرمتی.
د گۆشەیا دویر یا گرتەیێ دا
«ئەلیف بێت»ەك ل سەر پەیادەیا ژبیركرنێ دانشتییە
تۆزا هاڤیبوونێ ژ سەر لێڤێن خۆ دمالیت
و بزاڤێ دكەت خوە جارەكا دی بهەركینیت.
ئەڤ رۆناهیە وەكی خنجەرەكێ هێدی دەباز دبیت
هەلبەستێن مە، شەنگستەیا دەڤۆكێ و دیرۆكا زمانی
د بایێ باژێرێن كۆرە دا شرۆڤە دكەت
ل زمانەكێ نە چارگۆشە دگەریت
پانێ هەر گۆشەیەك ژی چەند پەرچەمكێن هەین،
ل سیبەرەكا نەهاتی دزین
ژ بەرێ رێسانا ئەزمانێن لال ڤە
زمان دایكێ بەرامبەر خۆدیكێ رداوەستیت
دەست دكەت قورمچینا روویێ دەنگێ خوە
پاشی وەك ئەسمانەكێ تژی گول و بهار و نەوروز
دگڕنژیت
ل دوماهیێ
ئەز چاڤكێ كامیرێ ل سەر دوماهیك گرتە دنەقینم
تەنها ئێك پەیڤە
ئەو ژی
وەكی رۆندكەكێ
ل سەر ئالەكا بایی دهێتە خوارێ.
