چاڤەڕێی دەلیڤێن باشترە
ئەڤرۆ
سولین سلێمان:
شێوەكار(نور ئەلهودا) كو ژ پارێزگەها كەركووكێ یە، د دیدارەكێ دا بۆ رۆژناما ئەڤرۆ گۆت: حەزژێكرنا من بۆ هونەری ل ژیەكێ بچووك دەستپێكر، لەورا ئەز چوومە پەیمانگەها هونەرێن جوان و من ب دووماهی ئینا و پشتی دەرچوونێ بۆمن شارەزایەكا باشتر د بۆارێ چێكرنا كەڤالان دا چێبوویە.
ناڤهاتی، كو نوكە ژیێ وێ بیست و سێ سالن، هێشتا گۆت: هۆكارێ بەردەوامیا من پشتەڤانیا دایك و بابێ من بوویە، لەورا من پشكداری د چەندین چالاكیان دا كریە ل كەركووك و هەولێر و سلێمانیێ و مووسل، هەروەسا ل گەل رێكخراوان من كارێ ژینگەه پارێزیێ كریە، دخوازم دەلیڤێن باشتر بۆ من بهێن دا بشێم پتر خزمەتا هونەرێ كوردی، ب تایبەت ژی بۆارێ شێوەكاری بكەم.
