چایدانكێ هه‌رێمێ و ئاگرێ به‌غدا
سالح حكیم
دا بهێن به‌حس ل ئیراقا پشتی ژ ناڤچوونا حزبا به‌عس یا گۆرب گۆر بكه‌ین، بتنێ ئیراق سه‌ر نه‌خش و عه‌ردێ خوه وه‌كو ناڤ مابوو لێ پشتی لێدانا ئه‌مریكا بۆ سه‌دامێ دكتاتۆر لایه‌نێن شیعه هه‌مان ده‌م دا سونی ژی چو ئه‌زموون د رێڤه‌برنا حوكمرانیا ده‌وله‌تا خوه‌دا نه‌بوون كو بشێن كاربكه‌ن یان چو په‌یره و پرۆگرامێن یاسای نه‌بوو كو خوه پێ برێڤه‌ببه‌ن وه‌كو دیار مه هه‌میا بچاڤ دیت حمرانیه‌كا لاواز قیبه‌لاكا بێ سه‌ربوو د ده‌ستێن ده‌ستهه‌لاتا شیعه‌یان دا تا نها ژی ڕایه‌دارێن شیعه بریارێن خوه ژ ده‌وله‌تا ئیرانێ وه‌ردگرن، له‌و حوكمه‌تا به‌غدا لسه‌ر چو بنگه‌ه و بنه‌ما دورست نه‌بوویه، نها ژی هه‌موو ئه‌و كارنامه و یادنامه‌یێن وێ ژ لایێ ولاتێن هه‌ڤده‌رڤه دهێنه ساخكرن پێنه‌ڤێت ئه‌و ئیراقا پشتی 2003 د رێڤه‌دبرنێ دا بتنێ پاشمایێن حزبا به‌عس د ده‌ستداهه‌بوون پێكهاته‌یێن جودا یێن شیعی و سنی و كوردی سه‌ر مێزا دانوستاندنێ وی ده‌می حه‌تا ئه‌ڤرۆ ژی د هه‌ڤڕكیه‌كا به‌رده‌مامه‌دانه لایه‌ن و لایه‌نگێری قه‌بوولنه‌كرنا ئێكدو هه‌كه ئه‌ڤرۆ ژی نه دێ سوباهی هه‌ر ئیراقێ به‌ر ب جودابوونێ ڤه به‌ت، لێ دا بهێن سه‌ر بابه‌تێ خوه یێ مه ل ده‌ستپێكێ ئاماژه‌پێكری، ئه‌رێ گه‌لۆ كی بوون ده‌سپێكا 2003 خوه ل وێ ئیراقا كو ژ هه‌مێ ئالیه‌كی ڤه هه‌ڕفتی كرینه خودان؟ هه‌لبه‌ت بتنێ كوردبوون چونكو كورد ژی پشكه‌كن ژ وێ ئیراقێ ب ماف و به‌هره‌یێن خوه د ئاڤاكرنا ئیراقێ دا هه‌ی له‌و شیان وێ سه‌ربۆرا خوه‌یا چه‌ندین سالا ب هه‌مان میكانیز نیشا حوكمرانیا شیعه بده‌ن، چونكی شیعه باله‌ده‌ستبوون ل به‌غدا كورد ئێكه‌م بوون كو ده‌ستێ هایكاریێ بو درێژكری ئه‌زموونا خوه یا حكمرانیێ سه‌ر وان سه‌پاندی وه‌كی چاوا ماموستا ل قوتابخانێ قوتابی فێری زانین و په‌روه‌رده‌كرنێ دكه‌ت وه‌سا كورد بوونه پالپشت و ڕێنیشانده‌ر بۆ بهێزكرنا پێگه‌هێ حكومه‌تا به‌غدا لێ ده‌ستێ هاریكاریێ بۆ درێژكر پتریا مه‌زنه به‌رپرسێت وان ل هه‌ولێر یێت فێری چوانیا رێڤه‌برنا یاسایێن حكمرانیا ده‌وله‌تا ئیراقێ بووین لێ به‌لێ مخابن ئه‌و گوتن ڕاسته ده‌ما دبێژیت مه مێم فێركره ده‌واتێ لێ مێمێ ژ خوه نه‌گرت ده‌ستێ مه نه‌گرت، وه‌سا دسه‌لمینن ئێدی كوردا ماف نینه چایدانكێ خوه سه‌ر ئاگرێ وان گه‌رمبكه‌ن لێ ژ بیردكه‌ن كو كورد ژی شه‌ریكن دگه‌ل وان هه‌مانده‌م دا هه‌ولاتیێن وێ ئیراقێ نه‌مافه‌كێ وانێ ڕه‌وایه پێ بهێته‌دانان دێ هه‌ر بێژم مخابن دلۆڤانیا كوردان بتنێ ل دیرۆكێ به‌ختره‌شی دایه‌یه كودا له‌و ئه‌ڤرۆ ئه‌ڤه هاته شوینێ هه‌می ماف ل تۆنێلێن بێ وه‌فاداییا خوه یێن سنوورداركرین مووچه وه‌كو نموونه مافه‌كێ بچووك و ڕه‌وا یێ فه‌رمانبه‌رێن هه‌ریما كوردستانێ یه، لێ ئه‌و ژی كرینه كارته‌كا سیاسی بۆ لاوازكرنا پێگه‌هێ هه‌رێمێ، لێ كورد چیانه ناكه‌ڤن ئێدی فه‌ره كورد ژی ژ ئه‌ڤرۆ پێڤه قازانا گرارا خوه نه‌هێلن ب هیڤیا ئاگرێ به‌غدایێ ڤه.
