چریسك یونس: بۆ هەڤڕكیێ پشكدارین و پشتەڤانییا پارێزگارێ دهۆكێ هێز دایە ئافرەتێن دهۆكێ
د دیدارەكا تایبەت دا سەرۆكا یانەیا ئافرەتێن دهۆك گەشبینییا خوە دیار كر ب ئەنجامێن تیما خوە یا فوتسالێ و پشكداری بۆ هەڤڕكیێ ل سەر رێزێن ئێكێ یێن قارەمانییا كوردستانێ دا زانین، ئەوا نوكە یاریێن وان ل هەولێرا پایتەخت ب پشكدارییا هەشت فێرگەهـ و یانەیان ل تازەپێگەهشتیان بەردەوامە و شییانە د سێ یاریێن بوری دا سەركەفتنێن باش بینن و دەربازبنە چارگۆشەیا زێرن.
زێدەتر جریسك یونس گۆت: پێخوەشحالین وەكو نوونەرا پارێزگەها دهۆكێ ل دووڤ ئەوێ پلانا مە دانایی هەتا نوكە یا سەركەفتی ییە و كچێن دهۆكێ شیاینە سێ سەركەفتنا ل دووڤ ئێك بینن و دەربازبنە قۆناغا چارگۆشەیا زێرن، ئارمانج و پلانا مە نە بتنێ پشكداریی بوویە بەلكو هەڤڕكیێ ل سەر رێزێن ئێكێ و هەتا ناسناڤی بكەین، ئەڤ گەشبینییە ژبەر وێ یەكێ یە كادرێ راهێنانێ و یاریزانێن مە ل دووڤ ئاستێ بەرپرسیارەتیێ نە و كارەكێ مەزن و كۆم دكەن و یا گرنتر ژ ئەو پشتەڤانییا بەردەوام یا دارایی و مەعنەوی ژلایێ د. عەلی تەتەر پارێزگارێ دهۆكێ و دووڤچوونا مە دكەت كو هێزەكا مەزن دایە تیما ئافرەتێن دهۆكێ بشێن زێدەتر خوە ماندی بكەین و ناڤێ پارێزگەهێ ل سەر ئاستێ كوردستانێ بلند بیت.
هەروەسان سەرۆكا یانەیا ئافرەتێن دهۆكێ گۆت: پێنگاڤا مەزن ئەوا هاتییە هاڤێتن دانانا نڤشەكێ نوو یێ كچێن پارێزگەهێ كو د ژییەكێ بچووك دا دهێتە فێكرن و پاشەرۆژەكا گەش بدەتە وەرزشا كچان ل دهۆكێ ئەو ژی هەمی یاریزانێن مە دناڤبەرا ژدایكبوویێن 2005 هەتا 2013ێ دانە ئەڤە ژی گەشبینییە بۆ نڤشەكێ نوو و هیڤییا مە ئەوە ب دەستكەفت ژ هەولێرێ ڤەگەڕیێن
بۆ زانین تیما فوتسالا یانەیا ئەفرەتێن دهۆكێ د كۆما خوە دا دەربازبوو چارگۆشەیا زێرین پشتی سێ یاری ئەنجامداین دو سەركەفتن ل سەر هەر ئێك ژ یانەیا حەلەبچە 5-1 گۆلان، یا دویێ دگەل یانەیا شارەزۆر ب حەفت گۆلان بێ بەرانبەر و یارییا سێیێ دگەل فێرگەها عەباس فەرەج ب چار گۆلان بەرانبەر گۆلەكێ تووشی خوسارەتیێ بوون.
قارەمانیا كوردستانێ ئەوا بناڤێ پلیستانگ ب پشكدارییا هەشت یانە و فێرگەهـ ل سەر دو كۆمان هاتینە بەلاڤكرن، كۆما ئێكێ، ئافرەتێن دهۆك، هەلەبچەیا شەهید، شارەزوور و فێرگەها عەباس، كۆما دویێ، چەمچەمال، تلسقۆف، دۆكان، و رەواندۆز.
