چـار نیشـانێن لاوازبوونا دلـی
نەخۆشیێن دلی ب ئێک ژ هۆکارێن ژیان ل دەستدانێ دهێنە نیاسین، بەلێ ئەرێ تو دزانی ژمارەیەکا زۆر ژ حاڵەتان دشیاندایە خۆ ژێ ب پارێزی؟ ئەوژی ب رێکا خوارنا ساخلەم، وەرزشکرنێ، جگارەنەکێشانێ.
د راپۆرتەکا ساخلەمیێ یا ماڵپەڕیEatthisدا هاتیە، چەند نیشانەک هەنە دەردئێخن دلێ تە لاواز بوویە، کو ئەڤەنە:
١. هەناسەتەنگی:
هەناسەتەنگی ئێکە ژ بەربەلافترین نیشانێن لاوازیا دلی، ب وی پیڤەری دل نەشێت خوینا پێدڤی پالدەەت بۆ لەشی هەتا ئۆکسجینێ پێدڤی دەستبکەڤیت، ئەوژی دبیتە ئەگەرێ کۆمڤەبوونا شلەیان د سییهاندا و هەناسەدانێ دژوار دکەت.
وەرمینا ئەندامێن لەشی:
وەرمینا دەست و پێیان ب نیشانەکێ دهێتە دانان کو دیاردبیت کێشیەکا مەترسیدار هەیە د دلێ تەدا، هەکە دل خوینا پێدڤی ب باشی نەهنێریت، شلەیێن لەشی ڤەدگەڕنە ناڤ خوێنهێنەران و تووشی وەرمینێ دکەن.
گێژبوون:
گێژبوون دبیت نیشانا ژمارەکا جۆراوجۆر یا نەخۆشیان بیت، بەلێ هەکە دگەل نیشانێن دیتر وەک هەناسەتەنگی، ئێشانا سینگی و نەرێکیا لێدانێن دلی دا هات، ئەو رەنگە ئاماژە بیت بۆ لاوازیا دلی، کو ژئەگەرێ گرتنا خوینبەران دروست دبیت و چوونا خوینێ کێم دکەت.
نەرێکیا لێدانێن دلی:
ئەڤە حالەتەکە تێدا دل یان گەلەک یان گەلەک خاڤ لێددەت یان لێدانا وی گەلەک نائاسایی دبرت و ل دەمێ روودانیێ دا ب ساناهی هەست پێ دهێتەکرن.
