چـاندنا چیپان د مەژیێ مرۆڤان دا سه‌ركـه‌فتن ئینا
ئیلون ماسك، خودانێ كۆمپانیا (نیورالینك) ئاشكه‌را كر كو په‌یچێ سیێ د مێشكێ مرۆڤی دا ب سه‌ركه‌فتیانه هاته چاندن، ئاشكه‌را ژی كر كو ئه‌وان پلان هه‌یه كو حاله‌تێن چاندنا چه‌یپی د مێشكی دا زێه كه‌ن. ئاشكه‌را ژی كر كو نها پێكڤه گرێدانا مێشكێ مرۆڤی و ته‌كنۆلۆژیایێ پێشكه‌فتنه‌كا مه‌زن ب خوه ڤه دیتیه.
ماسك د لایفه‌كێ خوه دا ل سه‌ر تۆڕا ئێكس یا تایبه‌ت ب وی ڤه، راگه‌هاند كو سێ كه‌سان نشته‌رگه‌ریا چاندنا چه‌یپێ نورالینك بۆ هاتیه كرن و هه‌رسێ ژی د حاله‌ته‌كێ باش دانه.
دا زانین ژی كو ئه‌ڤ ئامیره هاتیه پێش خستن و ل به‌ره د سالا نوو دا، 20 هه‌تا 30 كه‌سێن دی ڤێ نشته‌رگه‌ریێ ئه‌نجام بده‌ن.
كۆمپانیا نیوالینك هاتیه دامه‌زراندن ب ئارمانجا پێشكێشكرنا خزمه‌تێن مه‌زن د وارێ چاره‌سه‌ریێن نه‌خۆشیێن ده‌ماران یێن وه‌كو ئینفلینج و ره‌قبوونا لایه‌نێ ئامیوترۆفیك د ماوێ چاندنا چه‌یپێن ده‌ماران د مێشكی دا.
ئه‌ڤ نشته‌رگه‌ریه بۆ نه‌خۆشان دهێنه كرن ب رێیا ڤه‌كرنا مێشكی و دانانا چه‌یپه‌كێ ئه‌لكترۆنی د ناڤ مێشكی دا.
ئیلۆن ماسك دا زانین كو ئه‌ڤ چه‌یپێن نیورالینك دێ هنده‌ك شیانان ده‌ته مرۆڤان كو به‌ری نها وه‌كو وان نه‌هاتبیته كرن كو وه‌كو پره‌كێ نه د ناڤبه‌را مێشكێ مرۆڤی و ته‌كنۆلۆژیایێ دا.
ب گۆره‌یی گۆتنێن خودانێ كۆمپانیا نورالینك دێ هاریكاریا مرۆڤان كه‌ت كو ب ره‌نگه‌كێ باشتر و ئه‌رێنی سه‌ره‌ده‌ریێ ل گه‌ل زیره‌كیا ده‌ستكرد بكه‌ن، پشت راست ژی دكه‌ت كو ل دووماهیێ كونترۆل هه‌ر د ده‌ستێ مرۆڤان دایه.
ب گۆره‌یی ڤێ پێنگاڤا كۆمپانیا نورالینك دبیت ل پاشه‌رۆژێ زانستێ نوشداری د ده‌ستێ مرۆڤان دا نه‌مینیت و هه‌موو ببیته په‌یوه‌ندیا مرۆڤان ل گه‌ل زیره‌كیا ده‌ستكرد ب رێیا چاندنا ڤان چه‌یپان.
پێشتر ژی ئیلۆن ماسك ئاماژه ب وێ چه‌ندێ كربوو كو د پاشه‌رۆژه‌كا گه‌له‌ك نێزیك دا ئه‌ڤ چه‌یپه دێ روناهیێ بۆ مرۆڤان ڤه‌گه‌رینیت و ئێدی مرۆڤێن نابینا نابن.
