چـاوا تەلـەفۆنا خوه دێ ژ گـەرمێ پارێزی؟
سندس سالح:
گەرماتیا زێدە دشێت زیانێ بگەهینیتە تلەفۆنا تە. گەرماتی دبیتە سەدەما کێمبوونا پاتریێ، خرابکرنا پارچێن ناڤخۆیی و هندەک جاران تەقینا پاتریێ ژی.
ئەڤە چەند رێنیشاندەرن ژ بۆ پاراستنا تلەفۆنا تە ژ گەرماتیێێ:
نەهێلە تلەفۆن ل بەر تاڤا رۆژێ بمینیت. دەما تو ژ دەرڤە، تله‌فۆنا خوه د جانتا خوه دا، یان جهەکێ سیبەر دا دانە. ئەگەر تو د ترۆمبێلێ دابی، تله‌فۆنا خوه ل سەر داشبۆردێ نەهێلە، چونکو ئەو جهێ هەری گەرمە. باشترە تو وێ د بنێ کورسیان یان د جانتا خوه دا بدانه.
بکارئینانا بەرگێ تله‌فۆنێ یێ باش گەلەک گرنگە. هندەک بەرگ هەنە کو دشێن تله‌فۆنێ ژ گەرماتیێ بپارێزن و نەهێلن گەرماتی بگەهیتە ناڤا وێ. بەرگێ سلیکۆنی باشترە ژ بەرگێ پلاستیکی، چونکی ئەو گەرماتیێ کێمتر کۆم دکەت.
چارچكرنا تله‌فۆنێ ژی زێدە گەرماتیێ په‌يدا دکەت. باشترە تو تله‌فۆنا خوه ل جهەکێ هينك و دوور ژ تاڤا رۆژێ چارچ بکەيی. هەروەسا، باشترە کو تو تله‌فۆنێ ژ بەرگێ وێ دەربێخی دەما چارچێ ددەیێ، ئەڤ چەندە دێ هاریکاریا هێنککرنا وێ کەت.
تله‌فۆن گەلەک ئامیرەکێ هەستیارە بەرامبەر گەرماتیێ. دەما پلا گەرماتیێ دگەهیتە جهەکێ زۆر بلند، ئەو دێ خوه کوژیت دا کو خوه بپارێزیت. ئەگەر تله‌فۆنا تە گەلەک گەرم بوو، وێ ژ بەرگێ وێ دەربێخە و ل جهەکێ هێنک دانە.
نابیت تو وێ دانی د ناڤ ئاڤێ یان بەفرێ دا، چونکو گوهۆرینا ناکاڤ یا پلا گەرماتی دێ زیانێ گەهینیتە تله‌فۆنێ. هاڤین دەمەکێ خۆشە بۆ چوونا دەرڤە و چێژ وەرگرتن ژ سروشتێ، لێ پێدڤیە تو هشیار بی ل دۆر تله‌فۆنا خوه. ب شۆپاندنا ڤان رێنیشاندەران، تو دێ شێى تله‌فۆنا خوه پارێزی ژ گەرماتیێ و درێژیێ بدەیە ژیانا وێ.
