چلیا هەلبەستڤانا مەزن (دیا جوان) ل دهۆكێ دێ هێتە ساخكرن
شاكر ئەتروشی:
ب هەلكەفتا بۆرینا (40) رۆژان ل سەر وەغەركرنا هەلبەستڤان و تێكوشەرا مەزنا رۆژئاڤایێ كوردستانێ (دیا جوان) ناڤەندا خانی یا رەوشەنبیری و راگەهاندنێ/پشكا رەوشەنبیری، ل بەرە رۆژا سێشەمبی رێكەفتی هەشتی نیسانێ ئاهەنگەكا ماتەمینی ل هولا ئێكەتیا نڤیسەرێن كورد/تایێ دهۆكێ بگێڕیت، پشتی خواندنا چەند پەیڤان و نیشادانا فلمەكێ دكیۆمەنتی ل دۆر ژیان و بەرهەمێن وێ هەلبەستڤانا مەزن، پەرتووكەكا وێ یا نوو ب ناڤێ (زەكاتا ئەڤینێ) كو ژ وەشانێن ناڤەندا خانی یە، ب دیاری دێ ل سەر بەرهەڤبوویان هێتە بەلاڤكرن، چالاكی دێ ل دەمژمێر پێنجی ئێڤاری دەستپێكەت و هاتن بۆ هەموویانە.
