چل سالن كارێ سەخبێركرنا مەكینەیێن دروارێ دكەت
دلڤین رەشید:
پیشەكار (خودێدا حەجی) د دیدارەكێ دا بۆ رۆژناما ئەڤرۆ دیاركر كو ئەو خەلكێ كومەلگەها شاریا یە و خودان پێدڤیێن تایبەتە، ئەڤە چلن سالە كارێ سەخبێریكرنا مەكینێن درۆارێ دكەت، هەر ژ دەستپێكێ حەزا فێربوونا ڤی كاری هەبوویە و دژیەكێ پچووكدا دەست هاڤێتێ و هێدی هێدی ئەوی ب خۆ خۆ فێری ڤی كاری كر و هەتا نوكە یێ بەردەوامە و ئەڤ كار بوویە دەرگەهەك ژبۆ پەیداكرنا دەبارا ژیانا وی.
ناڤهاتی گۆت: ل دەستپێكێ من كارێ سەخبێریكرنا مەكینێن درۆارێ دەستپێكر، چونكی د وی سەردەمی دا ژیان ب وی رەنگی بوو و هاتنوچوون یا ب ساناهی نەبوو، لەورا من ب خوە سەرەدانا گوندان دكر و هۆسا من سەخبێریا مەكینێن درۆارێ دكر، بەلێ ژبەر كو ئەز خودان پێدڤیێن تایبەت بووم، پشتی بۆرینا دەمەكی من هزر د دانانا جهەكێ تایبەتدا كر كو بشێم كارێ خوە تێدا بەردەوام بكەم و راستە ئەڤ كارە یێ ب زەحمەتە، لێ دێ یێ بەردەوامبم چنكو داهاتەكێ حەلال بۆ من و خێزانا من ژێ دهێت.
