چنار ئه‌حمه‌د: من خه‌ون ب راگه‌هاندنێ ڤه د دیتن
دهۆك، هه‌رهین محه‌مه‌د:
چنار ئه‌حمه‌د، كو ئێك ژ پێشكێشكاربَن به‌رنامێ نووڤاره ل ته‌له‌فزیۆنا دهۆك، د دیداره‌كێ دا بۆ رۆژناما ئه‌ڤرۆ گۆت: من گه‌له‌ك مفا ژ راگه‌هانتدنێ دیتیه و ئێكه‌م جار راگه‌هاندن ئه‌و هیڤی و ئارمانجا من یا سه‌ره‌كی بوو یا ژیانێ من ژ زارۆكینی خه‌ون پێڤه دیتن و گه‌له‌ك یا كه‌یف خۆشم كو ئه‌ز گه‌هشتیمه هیڤیا خوه و شانازیێ ب كارێ خوه دبه‌م و مفایێ راگه‌هاندنێ ژ من دیتی ئه‌وه من هه‌موو ده‌مێ خوه دایه راگه‌هاندنێ و ئه‌و ڤالاهیا بچووك د راگه‌هاندنێ دا من تژی كریه.
ناڤهاتیێ گۆت: من شیان هه‌نه كارێ بێژه‌یێ ژی بكه‌م، به‌لێ هه‌تا نوكه من ئه‌و بڕیار نه‌دایه و هه‌تا نوكه من كارێ پێشكێشكاریێ كریه، له‌ورا پێشكێشكارێ راست و دروست دڤێت ل ده‌ستپێكێ ل گه‌ل خوه یێ راستگۆ بی و هه‌ردیسان ل گه‌ل وی ده‌زگه‌هێ مرۆڤ لێ كاردكه‌ت یێ راستگۆ بیت و په‌یاما راست و دروست ب گه‌هینت و یێ به‌رهه‌ڤ بیت ژبۆ كارێ خوه قوربانیێ بده‌ت و ل ده‌ستپێكا كارێ راگه‌هاندنێ من ل ته‌له‌ڤزیۆنا بلان كاركریه پێشكێشكارا به‌رنامێ شێف و كارێز و پاشان بۆ ده‌مه‌كی من وه‌كو په‌یامنێر ل خانی نیۆز كاركر و نوكه ل دهۆك تیڤی یا به‌رده‌وامم.
ل دووماهیێ گۆت هه‌تا نوكه من خێزان پێك نه ئینایه و من چ مه‌رج ژ بۆ پێكئینانا هه‌ڤژینیێ نینن، به‌لێ حه‌زدكه‌م ئه‌و كه‌سێ خێزانێ ل گه‌ل پێك دئینم د من و كارێ من ب گه‌هیت و نه‌بیته رێگر ژبۆ ده‌ست دانا كارێ من، به‌لێ دڤێت مرۆڤ رێزێ ل بڕیارێن هه‌ڤدۆ دو بگریت.
