چه‌ك هنارتن و ئه‌م بژارتن!!
ل ده‌ستپێكا شه‌ڕی هه‌یڤا هه‌شت و هاتنا چه‌كدارێن داعشێ ئه‌و رۆژا گه‌هشتیه گوێر بۆ هه‌را و هۆسا ل ناڤ خه‌لكی هه‌ولێر كو داعش نێزیك بوویێ و ب راستی چه‌ند خه‌لكه‌ك چوو ده‌رڤه‌ی باژێرێ هه‌ولێر چۆل بوو. به‌نگلادشی و ئه‌سیۆبی ئه‌وێن ل مالان كاردكرن ترسیان و هنده‌ك نه دترسیان (بابۆل) كوڕه‌كێ به‌نگلادشیه من ژێ پرسی و گۆتێ: ها تو دترسی؟ گۆتی الله كریم.. پاشی گۆتی: لێش كوردستان ما تسوی سیلاح؟ ئه‌ندیا (به‌حسا هندیا) و بنگلادش كتیییر فه‌قیر، بس كل یوم یسوی بومب یسوی ته‌یاره ما یشتری سیلاح ئحنا نعمه‌ل سیلاح))!!، من د دلێ خوه دا گۆت كا بلا مه كارگه‌ها ده‌رمانان هه‌با یان یا شیرێ بچووكان یان بابۆ هه‌تا یا ده‌رزیكان بلا مه چ سیلاح نه‌با. . ب راست ئه‌ڤه نه ره‌خه‌نیه به‌لكی هزره‌كه ئه‌م بكه‌ین بۆچی مه هه‌تا نها چ ژێرخانه‌كا ئابووریا یا ب هێز نه دانایه هه‌تا ئه‌ڤرۆ خه‌لكی مه ژ بێ مووچێ هندا بێهن ته‌نگ بیت بلا وه‌ك ئیرانی كو چه‌ندها سالان ئابلۆقا ئابووریا ئامریكا ل سه‌را و سه‌ری خوه بۆ نا چه‌مینیت و هه‌ر تشتێ خوه ب ده‌ستێ مله‌تێ خوه بدستڤه‌دئینت. هه‌تا
چه‌ك و نه‌ووی ژی هه‌بیت و بوویه ترسه‌ك بۆ ئیسرائیل و ئه‌مریكا، ئه‌رێ ئه‌م بۆچی هزر بكه‌ین ژ حه‌زژێكرنا ڤی هه‌می چه‌كی یا ده‌ته مه راسته سه‌رفه‌رازیه ناڤێ پێشمه‌رگه چوویه ل جیهانێ و په‌سنا سه‌رۆك بارزانی و كه‌ساتیا وی ل گۆر ئاژانس و نووچه‌یێن جیهانی، هندی كو سه‌رۆكان هندی بارزانی ناڤوده‌نگ و خوشه‌ویستی و رێزگرتن نینه و ب تایه‌ت ل ناڤا رۆژنامێن ئه‌ورۆپی و ئه‌مریكی دا ل گۆر ژێده‌رێن گۆكل. لێ ئه‌رێ هاتنا چه‌كی ب تنێ باشیا مه‌یه یان ئه‌م بۆچی هزر ناكین ئه‌م بووینه سۆته‌مه‌نیێ شه‌ڕێ جیهانی ل هه‌مبه‌ر تیرۆرێ. ئه‌ڤه نه‌رزایبوون نینه ل هه‌مبه‌ر دانا چه‌كی.. نه‌خێر. ئه‌و تیرۆر تووشی كوردستانێ بۆچی تشته‌كی دانابوویه و ب پلانه و قه‌د ناهێلن ئه‌م كورد هنده‌ك تاما سه‌ركه‌فتنێ ببن هه‌رێم به‌ر ب جیهانیبوونی دچوو و ئاڤه‌دانكرنێ و نها ژی بوویه گورزێ ئاگری و به‌رده‌نه تیرۆرستان ژ به‌ر دا ئاگری تیرۆرێ نه‌بربیته ده‌همنا وان ناهێلن به‌ر ب وان بچیت مه‌به‌ست ئه‌و نینه ئه‌م دژی ئه‌ورۆپا براوه‌ستین ئه‌وا ئه‌و دكه‌ن به‌رگیركرنا ژ كۆمه‌كت پرنسیپانه، ئه‌وان دڤێت بپارێزن هه‌كه نه، بۆچی ئه‌مریكا د هانا كوردێن رۆژئاڤا نه‌چوو، بۆچی و داعش ژناڤ ببه‌تن به‌ری بگه‌هیته هه‌رێمێ. ئه‌ڤه تیرۆره‌ك دانایه ئه‌مریكا ل به‌رامبه‌ر رۆژهه‌لاتا ناڤه‌راست دكه‌ت، لی یا پێَچایه هه‌می یا رێخستی و یا ده‌ستێ هاریكاریێ بۆ دریژدكه‌ت خوه نیشادده‌ت كو ئه‌وا هێزا مرۆڤاتیێ د جیهانی دا. ئه‌گه‌ر نه مه چی هه‌بوو باژارێن مه د ئارام بوون، پاركێن كوردستانێ دتژی خه‌لك و سه‌یران و پیاسه بوون بۆچی ب خافله‌تی ڤه ئه‌ڤ هه‌وا تیرۆرێ تووشی مه‌بوو هه‌تا ئه‌م ئه‌ڤرۆ بببنه قوربانی شه‌ڕه‌كێ جیهانێ وه‌لاته‌ك هه‌كه هه‌رده‌م ل به‌ر هه‌رشێن دوژمنان بۆ دڤیت چه‌ند زوویه هشیاربیت ل سه‌ر ئاستێ به‌رگیریا نشتمانی و بلا مه چه‌ك هه‌بیت و بلا ئه‌م هزر ل وێ چه‌ندی بكه‌ین ل شۆره‌شا گۆلان و ئیلۆنێ پیشمه‌رگان دگۆت: ئه‌و تۆزا ل بن كۆچكان و ل گه‌ل هنده‌ك تشتێ دی دكره باریت بۆ برنۆ و ته‌ڤه‌نگێن خوه و دانانه دوژمنی مه جاران چه‌ك چێكریه ل گۆر ئاخفتنا وان. بلا هزر بكه‌ین ئه‌م چاوا ئێدی بزڤرینه به‌ری هاتنا داعشێ دا ڤان ده‌ستكه‌فتان بپارێزین و چ دی نه‌هیلین.
قه‌یران مه ته‌نگاڤ بكه‌ن و نرخ و بهایێ مرۆڤێن ڤێ كۆمه‌لگه‌هێ بلند بنرخینن و هه‌كه ئه‌م بخوه دا نه‌چینه‌ڤه دێ به‌ردوام د مه‌ترسیێ دا بی، ئه‌ڤجا بلا ل گۆر ئاخفتنا بابوو ل كو دروستاها وی بابیل. بكه‌ینه وانه‌ك و خوه بكینه خودان چه‌ك و مه‌زنترین چه‌ك ژی ئێگرتنه.
