چه‌ندین ئامیرێن مۆزیكێ د ژه‌نیت.
سێمێل، دلڤین ره‌شید:
مۆزیكژه‌ن (ڤه‌گه‌ر نه‌وزراد خه‌مۆ) كو خه‌لكێ كومه‌لگه‌ها شاریه، د دیداره‌كێ دا بۆ رۆژناما ئه‌ڤرۆ دیاركر كو دژیه‌كێ بچووكدا وی حه‌ز ژ مۆزیكێ دكر، ژبه‌ركو د ناڤ مالباته‌كا هونه‌ری دا مه‌زن بوویه و نوكه شیانێن ژه‌نینا چه‌ندین ئامیرێن مۆزیكێ هه‌یه، لێ ئامیرێ پتر ئه‌و حه‌زژ دكه‌ت (ده‌فه) ژبه‌ركو هیڤیا وی یا زارۆكینیێ بوو.
ناڤهاتی گوت: ل سالا 2017 ب دروستی ئه‌ز هاتمه دناڤ بۆارێ هونه‌ری دا و من خوه فێری ژه‌نینا چه‌ندین ئامیرێن مۆزیكێ كر، ژوانا ( ده‌ف، ئیقاع، دهۆل، ره‌ق، باركشن، ساز) ئه‌ڤ جۆره ئامیره كلتۆری مه‌نه و گرنگه ئه‌م گه‌نج ڤی كلتۆری ب پارێزێن، هه‌روه‌سا ژبلی كارێ مۆزیكێ نوكه ئه‌ز وه‌ك وێنه‌گر ژی ل كۆمپانیه‌كی كار دكه‌م و راهێنه‌رێ مۆزیكی مه دگه‌ل رێكخراوه‌كێ و ئه‌ندامێ تیپا شاریا یا هونه‌رێ مللی مه، پشته ڤانێن من مالباتا منن، بۆ زانین مه ل گومه‌لگه‌ها شاریا گه‌نجێن خودان شیان هه‌نه به‌لێ دبێ پشته‌ڤانن و هه‌كه جهێن شۆله‌ژێ خوه لێ بكه‌نه خودان د گه‌له‌ك بۆاران دا دێ داهێنانێ كه‌ن.
