چه‌ندین به‌هره ل ده‌ف هه‌نه
هه‌ولێر، سولین سلێمان:
زه‌ینه‌ب حسێن، خانمه‌كا خه‌لكا (خانقین) چه‌ندین به‌هره ل ده‌ف هه‌نه، ژوانا وێنه‌كێشان، دیزاین و نه‌خشكرنا جلكێن كوردی، نڤیسینا هه‌لبه‌ست و گۆتاران، و د دیداره‌كێ دا بۆ رۆژناما ئه‌ڤرۆ دبێژیت: من خوه دناڤ ده‌ریا هونه‌ری دا دیتیه.
ناڤهاتیێ گۆت: دناڤ جڤاكێ مه‌دا گه‌له‌ك كه‌سێن به‌هره‌مه‌ند هه‌نه، ژوانا كچ و ژن ژی ل گه‌ل دانه، لێ مخابن ب دروستی خوه دیارناكه‌ن و پێدڤیه هه‌ر ئێك ژلایێ خوه ڤه خوه و به‌هره‌یا خوه دیار بكه‌ت، چنكو ملله‌تێ مه پێدڤی ب وان هه‌موویان هه‌یه، بۆ زانین هه‌تا نوكه من پتری سه‌د كه‌ڤالان چێكرینه و پشكداری د پتر ژ پێنجی پێشانگه‌هێن شێوه‌كاری دا كریه و من چه‌ندین خه‌لات وه‌رگرتینه.
