چه‌ندین سه‌ركردێن داعشێ هاتنه ده‌سته‌سه‌ر كرن
ئه‌ڤرۆ:
فه‌رمانداره‌كێ هێزێن سووریا دیموكرات راگه‌هاند كو ب هه‌ماهه‌نگی ل گه‌ل هێزێن هه‌ڤپه‌یمانیا نێڤده‌وله‌تی وان ل كه‌مپا هۆل یا كو جهێ ئاكنجیێ خێزانێن چه‌كدارێن داعشێ یه ده‌ست ب ئۆپه‌راسیۆنه‌كا به‌رفره‌ه كرن و پاشی ژی دو چه‌كدارێن داعشێ هاتنه ده‌سته‌سه‌ركرن و وان چه‌كدارێن داعشێ دانپێدان ب هندێ كرن كو چه‌ندین سه‌ركردێن داعشێ د كه‌مپێ دانه.
هه‌مان فه‌رمانداری ئه‌و یه‌ك ژی دیار كر كو پاشی وان شیان وان سه‌ركردێن داعشێ ده‌سته‌سه‌ر كرن و نها ژی لێپرسێن ل گه‌ل وان دهێته كرن.
ئه‌و یه‌ك د ده‌مه‌كێ دایه به‌ری نها وه‌زاره‌تا ده‌رڤه یا ئه‌مریكا دیار كربوو داعش كه‌مپا هۆل وه‌كو بنگه‌هه‌كێ سه‌ربازی بكار دئینیت.
