چه‌ند بژارده ژ هه‌لبه‌ستا هۆله‌ندی
Toon Hermans
* توون هێرمانس
وه‌رگێران: نزار محمد سعید
ره‌شوێله
ل سه‌ر دارا هرمیكێ ل سخێفنینگن*
ره‌شوێله‌كێ به‌خته‌وه‌ر ستران دگۆتن
هه‌مو جانه‌وه‌ر دزانن
ره‌شوێله حه‌ز ژ هرمیكان دكن
* سخێفنینگن: تاخه‌كه ژ تاخێن جوان ل سه‌ر لێڤا ده‌ریایێ ل باژێرێ ده‌نهاخ ‘لاهای’ پایته‌ختێ هۆڵه‌ندا.
یاخی
یا ئه‌ز نه‌كارم بێژم
یان ل سه‌ر بنڤیسم
دێ دجهه‌كی دناخێ من ده مینیت
هین یێ ل با من
یاخی
لێ دتارییه‌كا خۆشتڤی ده
تشته‌كێ خوه ڤه‌دشێریت
ئه‌و ژ په‌یڤان پترتره.
ڤیان
یا من هه‌ست پێ كری، ئه‌ز پێ نه‌وه‌ستیام بێژم
من هزرا هندێ نه‌كر
لێ ئه‌ز دمه‌ره‌ما ته گه‌هه‌شتم
ب راستی بێ ده‌نگیێ یا خوه گۆتبوو
كو ته ب راموسم یان حه‌ز ژ ته بكم
ب شادی یان ب شینی
ڤیانا راسته‌قینه ئه‌وه
كوده‌ما بێده‌نگی دبیته زمان.
خوه دیتن
زه‌لام خوه بپه‌رگالان مه‌زن دكن
ته‌نێ هینگێ دێ مه‌زن بی
د وێنه‌یه‌كێ بچویك كری ده.
رۆناهی
نها ئه‌زێ رۆناهیێ دچاڤێن ته ده دبینم
چاوان یا گه‌ش دبیت و دبرسقیت
ئه‌ز یێ نها ڤێ هه‌لبه‌ستێ ژ ته ڕه دنڤیسم
چاڤێن خوه ب نقینه
ئه‌ز بۆ مه دیل دتاریێ ده
رۆناهیا ته هه‌ر تم پێشبه‌رێ من بوو
ژ به‌ركو یا گرتی بیت ئان ڤه‌كری
ئه‌ز هه‌ر تم وێ رۆناهیێ دبینم .
ده‌هـ
ژ به‌ر ترالیێ* ئه‌ز ده‌هێ وه‌ردگرم
ئه‌ز نه‌زه‌لامه‌كێ هووربینم
پڕانیا جارا تشتێن خوه هندا دكم
خوه ژی جار و بار
*ترال: خه‌مسار، بێ سه‌روبه‌ر، ته‌مبه‌ل
ده‌م
ئه‌ز یێ شویم بووم
و توندوتیژ
پیچ پیچه
بناڤ سالڤه چووم
و نه‌رم بووم
مرن
من هه‌لبه‌سته‌كا جوان ل سه‌ر مرنێ نڤیسی
جارنا من هه‌مبێز دكر
ئه‌و پارچه‌ك ژ ژیانێ یه
ئه‌ز دزانم ده‌ما كو ئه‌ز زارۆك، ئه‌ز چقاس ژێ دترسام
ئه‌ز پڕ جارا گڤشكان لێ دده‌م
ئه‌و دژمنێ من بوو، نها ژی دوستێ منه
نها ئه‌ز تێ گه‌هه‌شتم
نهێنیا خوه ژ من ڕه گۆت
ژ به‌ر ڤێ یه‌كێ من ترسا خوه ده‌رباس كر
ئه‌و بۆ من به‌روبیاڤه‌كێ ڤه‌كریه
ل ئاسمانێ بلند دبهارێ ده شین دبیت.
هه‌لبه‌ست
هه‌لبه‌سته‌كا كورت نڤسیی
گه‌له‌ك دده‌ستی ده نه‌بوون
لێ مومكه‌ك هه‌بوو
ل تاریێ هل كر
سۆپاس بۆ وه
ئه‌ز گریام، كه‌نیام و من شه‌ر كر
ل به‌ر رێكێن گه‌رم و چه‌پێن ته‌حیسوك، من خوه درێژ كر
من شیشه‌ك راكر، كه‌ت بوو هزار پارچه
عه‌سمانێ خوه‌لیكی من ناس كر
دیسا ب شینی بویاغ كر
من پێكۆل كر
سه‌ره‌رای ته‌ڤ گه‌شتیێن من هاتینه سۆتن
بێ هیڤی بووم و ئه‌ز تێكچووم
من خوه گڤاشت
چه‌پك و تلیلی بلند بوون
لێ ده‌ما كو دچم
ئه‌زێ بێژم سۆپاس
ئه‌ز پڕ پێ كه‌یف خوه‌ش بووم.
له‌شكه‌ر
ئه‌و له‌شكه‌ره‌كێ راسته‌قینه بوو
گاڤا دوژمن دیتی
هه‌مما ئه‌و بوو، هێرس ل خوه دیار كر
و كه‌نا خوه ته‌قاند.
بێ سڵاڤ
بێ سلاڤ ده‌رنه‌كه‌ڤه
بێ ماچ ده‌رنه‌كه‌ڤه
هه‌كه‌ر تشته‌ك هاته سه‌رێ ته
تو نكاری جار دی بكه‌ی
بێی ئاخفتن ده‌رنه‌كه‌ڤه
تشته‌كێ پڕ دل ئێشه
ئه‌ڤێ كو تو سه‌رێ سحارێ بجی دهێلی
ره‌نگه ئێڤاری نه‌بینی
هه‌كه‌ر رۆندك كاریبان په‌یسكه‌كێ چێكه‌ن
ئه‌م دا چینه عه‌سمانا ژ بۆ هندێ جار دی
دجه دا تو ڤه‌گه‌ری.
