چه‌ند كه‌سان ل دهۆكێ ناڤێ زارۆيێن خوه كريه سازان؟
ئه‌ڤرۆ نيوز:
ل دھۆکێ ناڤێن (سازان و ئایلان) ل سەر زارۆیان دھێنە دانان و بەرپرسێ نڤیسینگەھا بوون و مرنێ ل دھۆکێ دیاردکەت کو د ھەیڤا بووری دا بۆ جارا ئێکێ ئەڤ ناڤە د تۆمارێن دھۆکێ دا دھێنە تۆمارکرن.
عادل جەعفەر حارس، بەرپرسێ نڤیسینگەھا بوون و مرنێ سەر ب رێڤەبەریا گشتی یا ساخلەمیا پارێزگەھا دھۆکێ ڤە بۆ رۆژناما ئەڤرۆ دیار کر کو ھەتا دووماھیا ھەیڤا ئیلۆنا ئەڤ سالە ١٥٩٧٢ زارۆ ل سنوورێ قەزا دھۆکێ ھاتینە تۆمارکرن و گۆت “رۆژانە دۆرێن ١٢٠ زارۆیێن نوو دھێنە تۆمارکرن”.
بەرپرسێ نڤیسینگەھا بوون و مرنێ سەر ب رێڤەبەریا گشتی یا ساخلەمیا پارێزگەھا دھۆکێ ڤە دیار کر ژی کو ب تنێ ل ھەیڤا ئیلۆنێ ١٦١٤ زارۆ ل نڤیسینگەھا وان ھاتینە تۆمارکرن و گۆت “بۆ جارا ئێکێ یە ناڤێن (سازان و ئایلان) ل سەر زارۆیێن دھۆکێ دھێنە دانان”.
عادل جەعفەر گۆت ژی “پێنج خێزانێن دھۆکێ ژبەر رەوشا نوکە یا سیاسی ل ھەرێما کوردستانێ و نەسازانا لایەنێن سیاسی ناڤێن زارۆیێن خوە کرینە ( سازان) کو بۆ ھەردو رەگەزان دھێنە دانان، دیسا ژبەر بەلاڤبوونا وێنێ ئایلانی و ھەژاندنا ھەستا مرۆڤاتیێ نەە خێزانان ل دھۆکێ ناڤێن زارۆیێن خوە کرینە ( ئایلان) کو ھەشت ژ وان کور بووینە و ئێک ژی کچ بوویە”.
ل دۆر رێژا مرنێ ژی دیار کر کو د نەە ھەیڤێن بۆری دا ل سنوورێ قەزا دھۆکێ ٢٠٢٤ کەسان مالئاڤاھی کریە.
