چوونا چار یاریزان و راهێنه‌ره‌كێ پارێزگه‌هێ بۆ هه‌لبژارتیێ ئیراقێ ئێكلابوو
ئه‌ڤرۆ،
د داخویانیه‌كێدا راهێنه‌رێ تیما پایسكلڤانێن یانا دهۆكێ و هه‌لبژارتیێ ئیراقێ ل سه‌ر ئاستێ تازه‌پێگه‌هشتیان دیاركر كو ب فه‌رمی ئه‌ز ل گه‌ل چار یاریزانێن مه وه‌كو پێكهاتیێن هه‌لبژارتیێ ئیراقێ بۆ قاره‌مانیا عه‌ره‌بی هاتینه ده‌ستنیشانكرن، ئه‌وا چاڤه‌ڕێ دهێته كرن هه‌ڤڕكیێن وێ ل سه‌ر ئاستێن جودا ل ناڤه‌راستا هه‌یڤا بهێت وه‌لاتێ مسرێ مێڤانداریا وێ بكه‌ت.
زێده‌تر تارق سه‌عید بۆ رۆژناما ئه‌ڤرۆ گۆت: پشتی بۆ زێده‌تری دو هه‌یڤه لبن چاڤدێری و كه‌مپێن راهێنانێ و دیسان تاقیكرنێن شیانی و له‌ش سڤكیێ بۆ ئاستێ لاوان هه‌ر ئێك ژ وه‌هبی سلێمان و سیداد سه‌لام ژلایێ راهێنه‌رێ خوه هاتنه ژێگرتن بۆ ناڤ رێزێن هه‌لبژارتیێ ئیراقێ ژ سه‌رجه‌مێ ده‌ه یاریزانا بوونه پێنچ یاریزان، هه‌روه‌سا سه‌ر ئاستێ پێشكه‌فتیان هه‌ر ئێك ژ نه‌وزاد مسته‌فا و سه‌ربه‌ست عه‌بدوللا ژی هاتینه ژێگرتن وه‌كو یاریزانێن سه‌ره‌كی ل گه‌ل هه‌لبژارتیێ ئیراقێ ژبۆ پشكداریێ د قاره‌مانیا عه‌ره‌بی دا ئه‌وا بڕیاره ل 11/11/ 2021 پایته‌ختێ مسرێ قاهره مێڤانداریا وێ بكه‌ت.
هه‌روه‌سان ناڤهاتی گۆت: ئه‌ز دێ سه‌رپه‌رشتیا راهێنه‌راتیا هه‌لبژارتیێ ئیراقێ بۆ تازه‌پێگه‌هشتیان كه‌م پشتی كو ل سالا بوری یا لاوان كری، ئه‌ڤچه‌نده ژی به‌ر سه‌ركه‌فتنا كارێ مه د كه‌مپێ خوه یێ راهێنانێ دا برێڤه‌برین ل هه‌ولێرا پایته‌خت و دهێته چاڤه‌رێكرن ل دووماهیا حه‌فتیا بهێت كه‌مپه‌كێ دی ل كه‌ربلا بدانینن به‌ری پشكداری قاره‌مانیا عه‌ره‌بی بكه‌ین، گه‌شبینم یاریزانێن پارێزگه‌هێ دێ ئه‌نجامێن سه‌ركه‌فتی ئینن و ناڤێ یاریزانێن كوردستانێ بلندكه‌ن و پشتبه‌ستنا من لسه‌ر رژدی و شیانێن وانایه.
