چوونا ژۆر بۆ پاركا سەرهلدان دێ بێ بەرانبەر بیت
سندس سالح سلێڤانەی:
بەرپرسێ هۆبا راگەهاندنێ ل سەرۆكاتیا باژێرڤانیا دهۆكێ بۆ رۆژناما ئەڤرۆ دیاركر، كار د چێكرنا پڕۆژەیێ پاركا سەرهلدان دا گەهشتیە قووناغێن دووماهیێ و دبێژیت: ل دەمێ پارك دهێتە ڤەكرن، چوونا ژۆر بۆ وەلاتیان دێ یا بێ بەرانبەر بیت و چو پارە ژ كەسێ ناهێنە وەرگرتن.
شێروان حەسەن، بەرپرسێ هۆبا راگەهاندنێ ل سەرۆكاتیا باژێرڤانیا دهۆكێ گۆت: «چو راستی بۆ وەرگرتنا گۆژمەكێ پارەی بەرانبەر چوونا خەلكی بۆ ناڤ پاركێ نینن و ئەڤال ل هندەك كەنال و پەیجان هاتیە بەلاڤكرن، دوورە ژ راستیێ».
ناڤهاتی گۆتژی: «دەمێ دەست ب ڕاكرنا پیشەسازیا ترۆمبێلان هاتیە كرن، هەر وان پەیجان پرۆپاگندەیێن بێ بنەما دكرن و دگۆتن: ئەڤ جهە یێ دایە وەبەرهێنەرەكی و دێ بیتە شوقە، ئەڤە پارك ب دووماهی هات و ژڤانێ ڤەكرنا وێ یێ نێزیكە و ئەڤ پاركە دیاریا حكومەتا هەرێما كوردستانێ یە بۆ هەموو خەلكێ پارێزگەها دهۆكێ، دیسا نوكە كار ل سەر چەندین پڕۆژەیێن دی بۆ جوانكرنا باژێڕی و زێدەكرنا رێژەیا كەسكاتیێ و پاقژراگرتنا ژینگەهێ دهێتە كرن و دێ بەردەوام ژی بین».
