چو جاران وندا نابی
ڕۆندک مزووری
ئەز دزانم تو گەلەک یێ
وەستیایی
تو یێ گەهشتییە نیڤا ڕێکێ
ڕاوەستیایی
دیارە ئەڤینەک یا کەتییە
د دلێ تەدا
تە دڤێت ب شەڤ ڕۆژ
ل گەل تە بژیت
هندی عەمرێ تە مایی
پاشڤە نەچە
ل پشت خۆ نەزڤڕە
تو نە یێ بتنێ یی
تو هیڤی یی و تو خەیالی
دێ بۆ تە باژێڕەکی ئاڤا کەم
دیوارێن وێ
ب وێنەیێن تە دێ نەخشینم
د گۆتنێن خۆدا
ب تنێ دێ ناڤێ تە ئینم
ئەز دزانم
ئەز و تو نە وەک هەڤین
ب هاتنا تە
دێ ژیانەک نوو دەست پێ کەم
هندی ژ من دوور بکەڤی
نەشێی ژ من بڕەڤی
تو د خۆ ناگەهی
لێ ئەز باش د تە دگەهم
دلێ من نەشکێنە
ئەگەر خۆ بدانی خەون
هەتا دبی ڕاستی
دێ ل هیڤییا تە بم
ئەگەر تو بخوازی
د ناڤ هێزا عەشقا مندا بی
ل گەل من بە
چ جاران وندا نابی
