چو راستی بۆ دوورخستنا وی نین
ئەڤرۆ نيوز:
پشتی یاریا دھۆک بەرامبەر نەفت میسان ب دووماھی ھاتی و تێدا دھۆک توشی خوسارەتیا چارێ بووی ل ڤی وەرزێ، چەند پێچێن مالپەرێن کومەلایەتی یێن عەرەبی دیارکر کو کارگێریا یانێ دەست ژ راھێنەرێ خوە سائیر جەسام بەردەی ژبەر ئەو ئەنجامێن لاواز ل شەش یاریێن بوری.
ل دور ڤی بابەتی سەروکێ یانا دھۆک بژار ئیسماعیل د دیدارەکێ دا بۆ رۆژناما ئەڤرۆ گوت: چو راستی بو ڤی دەنگوباسی نین و ھەتا نوکە ھزر ل دوورخستنا راھێنەری نەھاتیە کرن و مە باوەری یا ب شیانێن وی ھەنە و لاوازیا تیما مە نە یاریکەر و راھێنەرن، بەلکو ب تنێ مە یاریکەرەکێ ھێرشبەر نینە و ھەکە مە گولکەر ھەبا نوکە تیما مە دا گوتنەکا دی ھەبیت و ل ھەردو یاریێن بوری ئەم ژ ھەژی سەرکەفتنێ بوین و ھەر نوکە کارگێریا یانێ دێ لێگەریانا یاریکەرەکێ ھێرشبەر کەت.
ناڤبری ئاماژە ب وێ چەندێ ژی کر قەیرانا دارایی یا ھەرێم کەڤتیە تێدا کارتێکرن ل وەرزشا کوردستانێ ھەمیێ کریە تایبەت یانا دھۆک ژبەرکو چو دەرگەھێن دی نین وەکو چەند یانێن دی پارە بوو ژێ بھێن بتنێ یانا دھۆک پشتبەستنێ ل سەر پشتەڤانیا حکومەتێ دکەت.
ل دووماھیێ بژار ئیسماعیل دیارکر ل قوناغا دویێ دێ کارەکێ باشتر ھەبیت و ئەنجامێن یانێ بەر ب باشبوونێ چن و پێدڤییە پشتەڤان دبێھنڤرەھبن ل گەل تیمێ و بەردەوام پشتەڤانیێ بکەن .
