چو راستی بۆ وێ چەندێ نینە کو پتریا کارێن من ل گەل ھونەرمەندێن کچە
ھەرھین محەمەد:
ھونەرمەندێ ئاوازدانەر ھەلکەوت زاھر د دیدارەکێ دا بۆ بەرپەرێ ھونەری یێ رۆژناما ئەڤرۆ گۆت: ناڤێ من ناڤەکێ دیارە دناڤ مۆزیکا کوردی دا و من ئەرشیفەکێ مە زن من ھەیە، لەورا ھونەرمەندێن کچ و کور حەز دکەن ل گەل ئەوان کاربکەم و ل سەر ئاستێ رۆژھەلاتا ناڤەراست ئێکەمم و ل ھەموو وەلاتێن عەرەبی و ئێکەتیا سوفیەتی ئەز خەلات کرم کو من ژمارەکا مەزن یا ئاوازان نێزیکی دوھزراو پێنچ سەدان بووریە و بێگومان و کەسێن ل گەل من کار دکەن دێ بەرنیاس بم و خەلک دێ نیاسن نوکە ھونەرمەندێ گەنج لوران محەمەد سترانبێژەکێ نوو یە ل گەل من و بەری چەندکێ من سترانەک بۆ چێکر بناڤێ (ئێدی بەسە عاشق نابم) کو ل ھەموو ئیراقێ بۆ ترێند و گەلەک گەنجێن دی ژی ھەنە حەزدکەم ل گەل من کاربکەن ب ھێزو شیانێن خوە من شیایە بمە قوتابخانەکا نوی و نەکو ئەز دبێژم ھەموو دنیاژی ل سەر ئەڤێ چەندێ بەحس دکەن و نوکە گەلەک قوتابی ھەنە وو نەمەرجە ئەو قوتابییە بمینن و ئەز ل گەل کاردکەم و د ئازادن ژی بچن و پتری ھەشتێ ھونەرمەندان من بۆ کارکریە و ئەڤە مەزنترین ژمارەیە و دبینم کەسێ ھندە کارنەکریە و ھەتا نوکە ژی پەشێمانی چو کارێن خوە نەبوویمە کو من بۆ ھندەک ھونەرمەندان کارکربیت و لدەڤ من یا نورمالە
ل دۆر نووترین کارێن خوە یێن ھونەری ناڤھاتی گۆت ژی: ھەموو دەمان کارێن ھونەری ل بەردەستێ منن و نوکە ژی کارەکی ل گەل ھونەرمەند عەبدولقەهار زاخۆیی دکەم کو ژ پەیڤێن ئەوی نە و ژ ئاوازا منە و ھەردیسان ھەلبەستڤان ئەدیب چەلکی ژی کارەک بۆ ھەمان ھونەرمەند ھەیە و کارەکێ جوان ژی ھەیە بۆ ھونەرمەند میرا عەلی ب زاراڤێ بادینی یە ھەردیسان سترانەکا دیژی بۆ میرا عەلی و عەدنان تەیمور کو دێ ب شێوەکێ دو قولە بێژن و سترانەکا دی بۆ سترانبێژ بەشیر ئازاد و سترانەکا دی بۆ خەانم لەمیا و ھەروەسا چەند کارێن دی بۆ سترانبێژن گەنج .
ھونەرمەندێ ئاوازدانەر ھلکەوت زاھر ئەو چەندەژی گۆت: من پتری سیە ھونەرمەندێن کور ل کوردستانێ کارکریە و دبیت ئەڤ سالە دا من بۆ ھونەرمەندێن کورا پتر کارکربیت ژ ھونەرمەندێن کچ و ئەو چەندە راست نینە کو من پتر کارێن ھونەری ل گەل کچان ئەنجام داینە و بتنێ من رەخنە بۆ بکارھێنەرێن سوشیالێ ھەنە دەمێ بەحسێ کەسایەتیا ئیکی دکەن ب تشتەکێ نەجوان و ئەز ب ئەوان ڤیدیویان عاجز نابم یێن کو ل سەر من دھێنە بەلاڤکرن دسوشیال میدیایێ دا بەلێ ئەز حەزژێ ناکەم.
