چو راستی بۆ کۆمبوونا ئەردۆغان و مەزلووم عەبدی نینن
پشتی کو ل گەلەک دەزگەهێن راگەهاندنێ دا بەحسێ ڤێ یەکێ هاتە کرن کو رێککەفتنەک د ناڤبەرا رەجەب تەیب ئەردۆغانێ سەرۆک کۆمارێ تورکیا و مەزلوم عەبدی فەرماندارێ گشتی یێ هێزێن سووریا دیموکرات دا هاتیە کرن و د دەمەکێ نێزیک دا دێ مەزلوم عەبدی سەرەدانا تورکیا کەت و دێ ل گەل ئەردۆغانی کۆمبیت، سەرۆک کۆماریا تورکیا ئەو یەک رەتکر و راگەهاند کو چو راستی بۆ وی دەنگوباسی نینن.
سەرۆک کۆماریا تورکیا دیار کر، د هندەک دەزگەهێن راگەهاندنێ دا بەحسێ سەرەدانا مەزلوم عەبدی بۆ تورکیا هاتیە کرن کو دێ ل گەل سەرۆک کۆمارێ تورکیا کۆمبیت، ئەو یەک راست نینە و چو کۆمبوون د ناڤبەرا ئەردۆغانی و مەزلوم عەبدی دا ناهێنە کرن و چو بزاڤەک وەسا ژی نها نینە.
ئەو یەک د دەمەکێ دایە کو بەری دو رۆژان جەنگیز چاندار ئەندامێ پەرلەمانێ تورکیا ژی دیار کر، دبیت د د دەمەکێ نێزیک دا مەزلوم عەبدی سەرەدانا تورکیا بکەت.
