چیرۆكێن 51 چیرۆكبێژان ل هەر چوار پارچێن كوردستانێ دهێنە تۆماركرن
سالار محەمەد دۆسكی:
رێڤەبەرا ئەنستیوتا كەلەپۆرێ كوردی ل دهۆكێ ئاشكەراكر كو د ماوێ بۆری دا شیاینە (51) چیرۆكان ژ هەمی پارچێن كوردستانێ كۆم بكەن و ب شێوازێ دەنگ و رەنگ تۆمار بكەن و ژ نەمانێ ب پارێزن.
خانم بوهار عەلی، رێڤەبەرا ئەنستیوتا كەلەپۆرێ كوردی ل دهۆكێ زێدەتر بۆ ئەڤرۆ گۆت: دماوێ بۆری دا شیاینە 51 چیرۆكێن هەمە جۆر كو ئەڤینی و شەران و جڤاكی و رەشەنبیری و گرێدایی كەلتوور و چاندا دەڤەرێ بووینە ژ مرنێ و نەمانێ رزگار بكەین و كار ل سەر وێ چەندێ بكەین ئەڤ چیرۆكە بهێنە پاراستن و هەلگرتن و كار ل سەر وێ چەندێ بهێتەكرن كو بۆ داهاتی بهێنە هەلگرتن و مفا بۆ ڤەكۆلینێن زانستی ژێ بهێتە وەرگرتن.
خانم بوهار عەلی ئەو ژی دیاركر كو رێكەفتی 17/10/2023 ستافێ مەیدانیێ ئەنستیوتا كەلەپۆرێ كوردی /ئوفیسا دهۆك سەرەدانا چیرۆك بێژ (خالد حەسەن خالد) كر ب مەرەما كۆمكرنا چیرۆكان ژ زاردەڤێ وی و دڤێ سەرەدانێ دا ناڤبری چەندین چیرۆك ڤەگێران(شەنگ ئەحمەد بابێ عەلی بەگ، بشارێ چەتو، ئەمیرێ پەریخانێ، دوستینێ، حاكمێ نەعادل، ئەیاز بەگ، ئیسف پاشا، سەعدین ئاغایێ گەرگەرییا، یوسفێ شەمەر) و دیدار ب دەنگ و رەنگ هاتنە تۆماركرن و كۆمكرن.
