چینێ دڤێت پرسا ئسرائیلێ و فەلەستینێ چارەسەر بکەت
ئەڤرۆ
وەزیرێ دەرڤە یێ چینێ راگەهاند وەلاتێ وی بەرهەڤە ل گەل ئسرائیلێ و فەلەستینیان دەست ب دانوستاندنان بکەت و پرسا هەی د ناڤبەرا هەر دو ئالیان دا چارەسەر بکەت، ژ بەر هندێ ژی ئەو بەرهەڤن یا پێدڤی بکەن.
چین گانگ ئەو یەک ژی دیار کر، ب سالانە شەڕ و ئالۆزی د ناڤبەرا ئسرائیلێ و فەلەستینیان دا هەیە و هەتا نها ب هزاران کەس بووینە قوربانی و پرسا هەی ژی وەکو خۆ مایە، وەکو چین ئەو بەرهەڤن ل گەل هەر دو ئالیان دەست ب دانوستاندنان بکەن دا پرسا هەی بهێتە چارەسەر کرن.
چاڤدێرێن سیاسی ژی دیار دکەن، چین یا سەرکەفتی بوو و شیا ئیرانێ و سعوودیێ نێزیکی هەڤدو بکەت و نها چینێ دڤێت د پێنگاڤا دویێ دا پرسا ئسرائیلێ و فەلەستینێ ژی چارەسەر بکەت، هەکە چینێ شیا کارەکێ وەسا بکەت ئەو یەک دێ بیتە ئەگەرێ بهێزبوونا پێگەهێ چینێ ل رۆژهەلاتا ناڤین.
