چیڕۆکا جەلتا مێشکی یا جەلا تالەبانی کی ئەگەر بوو؟
ل سەردەمێ سەرۆکاتیا مام جەلال تالەبانى، نوری مالکی سەرۆک وەزیرێن عیراقێ یێ وى دەمى داخوازا کۆمبوونەکا گرنگ و ب لەز ژ سەرۆک کۆماڕێ عیراقا فیدرال جەلال تالەبانی کر، لێ دەمێ کو دهێتە جهێ بێهنڤەدانا سەرۆک کۆماری، ب ژوور کەت، گۆتە تالەبانی ئەز گەلەکێ ژ تە توڕە مە و نەرازیمە، راستە من گۆتبوو من کۆمبوونا هەی بەس من کۆمبوون دگەل تە نینە!. مالکی دبێژتە تالەبانی: وێ رۆژێ من چ ل دەف تە ئاخفتیە سەرنڤیسەرێ رۆژناما “المدی” فەخری کەریم یا ل رۆژناما خوە ئینایە خوارێ، و ئەزێ تووشی گڕفتا کریم دگەل سونەیان، سونە یێ دخوازن رۆهنکرنەکێ بدەم یان گۆتنێن فەخری کەریم ب درەو دەربێخم و سزادەم، ئەزێ هاتیم تو من ژڤێ گڕفتێ قورتال کەی و ب دەڤێ خوە بێژیە هەمی دەزگەهێن راگەهاندنێ فەخری کەریم درەوا دکەت و مالکی وەنەگۆتیە، مام جەلال ب کەنی و گرنژین ڤە داخواز ژ مالکی کر روونیت و دێ گازی فەخڕی کەت بهێت و چارەسەر بکەت. لێ مالکی گەلەک ب کڕێتی و توند و لڤینێن دەستی گۆتێ نارینم و دڤێت نوکە بۆ راگەهاندنێ باخڤی و بێژی فەخری درەو کر، تالەبانی گۆتێ برایێ نوری باش بزانە فەخری کەریم دەنگێ مە یێ تومار کری نەشێم بێژم فەخری درەوا دکەت، پاشی دێ هەمی تۆمارا دەنگی بەلاڤە کەت و دێ خرابتر لێ هێت. مالکی هێشتا دەنگێ خوە ل سەرۆک کۆماری بلند کر و گەلەک ب تەشەنوج و زڤری و گۆتێ: ئەڤە بۆ تە و فەخری کریمی نامینیت. و بێ خاتر خواستن دزڤریت و دچیت. دەملدەست مامە ژ قەهرا دا دکەڤیت و های ژ خوە نامینیت و جەلتە لێدەت، و دووماهی جاربوو راببیتە سەر پێن خوە. د وێ کۆمبوونێ دا یا کو فەخری کریم بەلاڤکری، مالکی گۆتبوو مام جەلال تالەبانی ئەزێ هاتیم من داخوازیەکا هەی بگەهینە بارزانی. هەکە هین رازی ببن دێ کۆمبین. ئەو ژی کەرکووک بۆ مە و مووسل و سونەیێن غەوغائی و تێکدەر بۆ هەوە و دێ پشتەڤان بم سەربخۆ ببن. ئەگەر نە دێ مووسل و دەڤەرێن سونی ژ بنی پیچ کەم و وێران کەم، و هندی ژ من بهێت ناهێلم بارزانی ب سلامەتی بگەهیتە چ ئارمانجێن خوە، پشتی جەلتا سەرۆک کۆماری و نەگەهشتنا مالکی ب ئارمانج کو دڤیا شەرێ سونەیا ب بارزانی بدەتە کرن. مالکی دەست ب پیلانێن خوە کر و بودجەیێ هەرێمێ بری. لێ هەر چ مفا ژ پیلانا خوە نەدیت کو کورد رازی ببن دەست ژ کەرکووک بەردەن بەرامبەر مووسل پاش لەشکر کێشا و هەمی ئەفسەرێن وی ژمووسل ڕەڤین و دەرکەتن و چەک ب بهایێ ملیاراتا بۆ داعش هێلا، ل شوینا داعش هێرشێ ببنە سەر بەغدا و دەڤەرێن شیعە نشین و کەرکووکا خلولە و بێ سەر و نەئێکگرتی. هێرش ئینا سەر هەرێمێ و دەڤەرێن کوردستانى یێن دەرڤەی دەستهەلا هەڕێمێ، پاشی مووچێ فەرمانبەران ژی بڕی و چەندین پەیوەندی دگەل نەوشێروان مستەفاى گرێدان و شیا باوەریێ بۆ رێکخەرێ بزاڤا گۆڕان دروست کەت کو جەماوەر و رێکخستیێن خوە دژی مانا بارزانی ل قەلادزێ و سەید سادق و سلێمانیێ بینتە سەر جادێ و خەلک هەمیێ نەرازیە ژ دەستهەلاتا بارزانی هەر دەمێ تە ئەو چڕیسک هەلکر دووماهیکا پارتیە د دەستهەلاتێ دا، مالکی بۆ دوپات کر ب هەمی شیان دێ ب پشتەڤانیا هێزێ ل گەل بیت ئەگەر گەهشتە هەولێرێ و پیلانا وان سەرگرت ب هاریکاریا بالەک یان دو یێن ئێکەتی نشتیمانی کوردستان و بالەکێ پەکەکێ ژ لایێ قەندیلی ڤە، ل دەمەکى پارتی دیموکراتی کوردستان هایداری هەمی لڤین و کۆمبوون و پلانێن وان بوو تا دووماهی قووناغ و شکەستن ئینای.
پشتی نێزیکبوونا سەرکەفتنا پرۆژێ سەرۆکێ هەرێمێ رێزدار مەسعود بارزانی بۆ سەرخۆبوونێ، مالکی ب رێکێن تایبەت نوونەرێن خوە هنارتنە بریتانیا سەرەدانێن نەوشێروان مستەفا کر و ب نهێنی ل دەرڤەی وەلاتی داخواز ژێکر کو لێک نێزیکبوونێ ژ ئێکەتیێ بکەت د ڤێ قووناغا هەستیار دا ژ بەر وان سەرکەفتن و پلانێن سەڕۆکێ هەرێمێ بۆ دەولەتبوونێ داناین. پشتی پلانا وان یا کۆدەتایێ دژی بارزانی سەرنەگرتی، داخوازا نێزیکرنا هەردو پارتا مەرەم پێ پویچکرنا پرۆژێ سەرخۆبوونێ و دەولەتا کوردی بوو و نە ڤەقەتاندنا کوردا ژ بەغدا. ئەڤە نیڤشکێ بابەتێ مە یێ سەرەکی بوو، کۆ ئەڤ بابەتە من بەردەوام ڤەکۆلایە و ژێدەرێن تایبەت ئەڤ پێزانینە داینە مە. پشتی سەرەدانا نوری مالکی بۆ سلێمانیێ و سەرەدانا مام جەلالی کری. ئەوێ کو بوویە ئەگەرێ نەخۆشی و کەفتنا وی ب نەخۆشیا گران و مللەتێ کورد هەمی ئێخستیە د قەیرانا ئابووری دا، ئەڤە لێکۆلین و خواندنا من یا دەسپێکا هاتنا مالکی بوو سەر حوکمی، لێ بۆ ئێکەم جارە بەلاڤ دکەم پشتی هاتنا وی بۆ سلێمانیێ کو سەرنجا من راکێشا ڤان راستیا ئاشکرا بکەین و خەلک و خواندەڤان بزانن.
