چێلسی و بورۆسیا د یارییەكا ئێكلاكەر دا و دەلیڤە بۆ پۆرتۆ باشترە
ئەڤرۆ
ب هیڤیێن سەركەفتن بەر ب دەربازبوون بڕیارە ئەڤرۆ ل دەمژمێر 11ێ شەڤێ دو یاریێن گرنگ ژ چارچووڤێ قۆناغا 16ێ بەر ب قۆناغا هەشتێ بهێنە ئەنجامدان كو دبینە یاریێن دویێ و ڤەبڕ.
– چێلسی- بورۆسیا دۆرتمۆند.
د یاریەكا هەڤڕكی و ئاگرین دا یانەیا چێلسی یا نگلتەرایێ دێ ل یاریگەها خوە ستامفۆرد برێدچ مێڤانداریا بۆرۆسیا دۆرتمۆند یا ئەلمانی كەت، د یاریا ئێكێ یا بۆری دا بۆرۆسیا شیابوو دناڤ یاریگەها خوە دا پێنگاڤا ئێكێ ب سەركەفتیانە باڤێژیت پشتی ب گۆلا ستێرێ خوە كەریم ئیدیمی سەركەفتنێ ئینایی، یاری بۆ خودانێن ئەردی ب سانەهی نابیت بەرانبەری تیما ئەلمانی ئەوا دەمەكێ باش دەرباز دكەت و دەلیڤەیا دەربازبوونێ باشتر هەیە سەرباری چێلسی ژی دناڤ ئەرد و جەماوەرێ خوە دایە و بزاڤێن تۆلڤەكرنێ دێ كەت، لێ بۆرۆسیا ئەوا د خولا ئەلمانیا دا 15 سەركەفتن ل دووڤ ئێك تۆماركرین و جوداهیا گۆلان رێزا دویێ دهێت شیانێن هەین سەركەفتنا خوە یا بۆری دگەل چێلسی دووبارەبكەت و سپارتا خوە ئێخیتە ل سەر ستێرێن خوە ماركۆس رویس، جۆلیان براند، كەریم ئێدیمی، جۆد بێلێكهام، یۆسۆفا مۆكۆكۆ، بەرۆڤاژی یانەیا چێلسی دئاست و ئەنجامێن خوە دا نینە راهێنەر گێرهام پۆتەر دێ سپارتا خوە ل یاریگەه و جەماوەرێ خوە كەت ژبۆ ڤەگەڕاندنا هیڤییان و سەركەفتن زێدەتر ژ گۆلەكێ، شارەزاهیا ستێرێن وێ وەكو جواو فێلێكس، ماتیۆ كۆڤاتچ، تیاگۆ سێلڤا، رەحیم ئسترلینگ، ئینزۆ فێرناندێز، كای هاڤێرتێز و كالیدۆ كۆلیبالی دچامپیۆنزێ دا خالا هێزێ یە.
بەنفیكا – كلۆپ برۆچ
یاریا دویێ یا ئەڤ شەڤە دێ دناڤبەرا خودانێن ئەردی بەنفیكا یا پۆرتۆگالی و كلۆپ برۆچ یا بەلجیكا بیت ئەوا دێ ل یاریگەها دا لۆز هێتە كرن، هەرچەندە پێشبینی هوسا دهێنە كرن پلێتا دەربازبوونێ زێدەتر چەنسێ یانەیا پۆرتۆگالی یە ژبەركو د یاریا ئێكێ یا ڤێ قۆناغێ دا شیابوو ب دو گولێن پاقژ سەركەفتنێ ل سەر یانەیا برۆچ بینت، دیسان خالا دی یاهێزێ بوو یانەیا پۆرتۆ خودانا ئەرد و جەماوەری یە و دناڤ یاریگەها خوە دا باشترین ئەنجام تۆماركرینە ژ17 یاریێن بۆری 15 سەركەفتن و دو وەكهەڤی هەبووینە و سەرێ لیستا خولا پۆرتۆگالێ دهێت، لدووڤ ئەڤان ئاماران هوسا دیاردبیت بەنڤیكا یا بەرهەڤە و مۆرالەكا بلند دێ هێتە دناڤ یاریێ دا و هەردو گۆلكەرێن وێ د چامپیۆنزێ دا رافا سێلڤا و جۆنكالۆ رامۆس ب پێنچ گۆلان رێزێن سێیێ و چارێ دهێن، بەرانبەری وێ یانەیا كلۆپ برۆچ مفا ژ ئەرد و جەماوەرێ خوە وەرنەگرتبوو دێ دناڤ یاریگەها هەڤڕكا خوە دا دووماهی هیڤییان هەموو شیانێن خوە بۆ سەركەفتنێ دەتە كاری.
