چەكی وەكو دیاری نەدەنە ئەندام و لایەنگرێن خوە
ئەڤرۆ
وەزارەتا ناڤخوە یا حوكمەتا هەرێما كوردستانێ د راگەهاندنەكێ دا داخوازێ ژ پارت و لایەنێن سیاسی یێن هەرێما كوردستانێ دكەت، د هیژ هەلكەفتەكێ دا دەمانچە و كلاشینكۆفان وەكو دیاری نەدەنە ئەندام و لایەنگرێن خوە
وەزارەتا ناڤخوە یا حوكمەتا هەرێما كوردستانێ د راگەهاندنەكێ دا دیاركریە، دڤێت پارتێن سیاسی یێن هەرێما كوردستانێ ل بارەگەهێن خوە عمبارێن چەكی بۆ زێرەڤانێن خوە دروست بكەن.
هەروەسا داخواز ژ پارت و لایەنێن سیاسی یێن هەرێما كوردستانێ كریە كو پشكداریێ د هەوێن هشیاركرنا وەلاتیان و ئەندامێن خوە دا بكەن، بۆ هندێ ئەگەر یا پێدڤی نەبیت، چەك د مالێن وان دا نەبیت.
وەزارەتا ناڤخوە د راگەهاندنا خوە دا خویا كریە كو پێدڤیە پارتێن سیاسی ئەندام و لایەنگرێن خوە، ئەوێن چەك هەین، ئاگەهدار بكەن، كو خوە ل گەل یاسا و رێنمایان ب گونجینن.
