چەندین بەرپرسێن هەدەپێ هاتنە گرتن
ئەڤرۆ نیوز:
عەلی تاتیمیش کادرێ پارتیا دیموکراتی یا گەلان ل مێردینێ بۆ ئەڤرۆ نیوز دیار کر کو ب فەرمانا دادگەها بلند یا تورکیا عەلی سینجار بەرپرسێ لقێ هەدەپێ ل مێردینێ ل گەل چەندین بەرپرسێن دی ئەڤرۆکە هاتنە گرتن.
ل دۆر ئەگەرێ گرتنا وان ژی ناڤهاتی راگەهاند کو ل ٣٠ مەها بۆری د رێورەسمەکێ دا بۆ رێزگرتنا شەهیدێن کوردستانێ عەلی سینجار و بەرپرسێن دی سروودا ئەی رەقیب خواندبوون و ژ بەر هندێ ژی سکالا ل سەر بەرپرسێن لقا هەدەپێ و هەڤالێن وی هاتبوو تۆمار کرن و ئەڤرۆکە ژی ب فەرمانا دادوەری ناڤهاتی و چەندین هەڤالێن دی هاتنە گرتن و لێپرسین ل گەل چەندین بەرپرسێن دی یێن هەدەپێ ژی بەردەوامە.
