چەندین پارێزەر ژ بەر سكالایێن وەلاتیان هاتینە سزادان
هەولێر، قائید میرۆ:
نەقیبێ سەندیكا پارێزەرێن كوردستانێ خویاكر، چەندین پارێزەر ژ بەر سكالایێن وەلاتیان هاتینە سزادان و هەر كەسەكێ بەلگە ل سەر پارێزەرەكی هەبن، دشێت سكالایێ تۆمار بكەت و ل گورەی قانوونێ سكالا دێ هێتە ئێكلاكرن.
بەختیار حەیدەر، نەقیبێ سەندیكا پارێزەرێن كوردستانێ بۆ رۆژناما ئەڤرۆ دیاركر، پارێزەر پێگیری قانوونێ و بڕیار و قانوونا سەندیكا پارێزەرانن، بەلێ د هەمان دەم دا پارێزەر ژی مرۆڤە و هندەك جاران پارێزەر هەنە ژ لایێ وەلاتیانڤە دهێنە تۆمەتباركرن و گۆت: «هەر پارێزەرەكێ ئاریشەیەك هەبیت و بهێتە تۆمەتباركرن، ل گورەی قانوونێ دێ هێتە سزادان و د سالێن بۆری دا چەندین پارێزەر هاتینە سزادان».
بەخیتار حەیدەر گۆتژی: «هەر كەسەكێ ئاریشەیەك ل گەل پارێزەرەكی هەبیت و بەلگە هەبن، دشێت سكالایێ تۆمار بكەت و پشتی ئەو تۆمەت دهێتە پشتڕاستكرن، پارێزەر دێ هێتە سزدان، بەلێ پێدڤیە كەسێ سكالایێ تۆمار دكەت، بەلگەیێن پشتڕاستكری ل سەر پارێزەری هەبن».
