چەندین پڕۆژەیێن گەشتیاری دێ هێنە ئەنجامدان
هەولێر، قائید میرۆ:
پەیڤدارێ دەستەیا گشتیا گەشتوگوزارێ دیار كر، چەندین پڕۆژەیێن گەشتیاری دێ هێنە ئەنجامدان و دبێژیت: ل كابینەیا نەهێ كەرتێ گەشتوگوزارێ پێشڤەچوونەكا زۆر بخۆڤە دیتیە.
ئیبراهیم عەبدولمەجید، پەیڤدارێ دەستەیا گەشتوگوزارێ بۆ رۆژناما ئەڤرۆ خویا كر، ل چەندین سالێن بۆری چەندین پڕۆژەیێن گەشتیاری هاتینە ئەنجامدان و گۆت: «كەرتێ گەشتیاری ل هەرێمێ د هەموو بیاڤان دا پێشڤەچوویە، ب تایبەتی رێژەیا هاتنا گەشتیاران ل ئیراق و دەرڤە ژی زیدەبوویە، ئەڤە ژی بۆ وان ئاسانكاریان ڤەدگەڕیت یێن ژ لایێ حوكمەتا هەرێما كوردستانێ دهێن ەكرن بۆ هاتنا گەشتیاران و پێشكێشكرنا خزمەتگوزاریان».
ئیبراهیم عەبدولمەجید گۆتژی: «بڕیارە چەندین پڕۆژەیێن دی ژی یێن گەشتیاری بهێنە ئەنجامدان و ببنە ئەگەرێ زێدەتر یا گەشەكرنا كەرتێ گەشتیاری و هاتنا گەشتیاران ل دەرڤە بۆ هەرێما كوردستانێ، ئەم باوەرین پشتی دەست ب كاربوونا كابینەیا دەهێ دێ زێدەتر گرنگی ب كەرتێ گەشتیاری هێتەدان و پڕۆژەیێن باشتر و زۆرتر دێ هەبن، ب تایبەتی سەرۆكێ حوكمەتا هەرێما كوردستان تەكەزیێ ل سەر بەر ب پێشبرنا كەرتێ گەشتوگوزارێ كریە، وەكو كەرتەكێ گرنگ بۆ ژێرخانا ئابووریا هەرێما كوردستانی».
