چەندین کۆمپانیێن مەزن یێن ئورۆپا دێ هێنە کوردستانێ
ئەڤرۆ نیوز:
کاروان سورچی پەیڤدارێ ژوورا بازرگانی یا هەولێرێ راگەهاند کو پشتی رەوشا ئابووری یا کوردستانێ باشتر لێ هاتی شاندەکێ مەزن یێ بازرگانی ژ وەلاتێن ئێکەتیا ئورۆپا دێ سەرەدانا هەولێرێ کەن و بریارە ١٦ کۆمپانیێن مەزن ل کوردستانێ دەست ب کارێن وەبەرهێنانێ کەن.
ناڤهاتی ئەو یەک ژی دیار کر کو د چەند رۆژێن داهاتی دا شاندێ ئێکەتیا ئورۆپا دێ گەهیتە کوردستانێ و دێ د کۆنفرانسەکێ دا بەحسێ پرۆژێ خوە کەن، بێگومان ب هاتنا ڤان کۆمپانیان دێ چالاکیێن بازرگانی و وەربەرهێنانێ ل کوردستانێ زێدەتر لێ هێن و دێ رەوشا ئابووری ژی گەلەکێ باشتر بیت.
