چەند ئەگەر داکو د هەیڤا رەمەزانێ دا هێکان بخۆی
پشکەک ژوان کەسێن د هەیڤا رەمەزانێ دا رۆژیێ دگرن، گرنگیێ ب خوارنا هێکان ددەن د دەمێ پاشیڤێ دا، زسپۆرێن ساخلەمیێ ژی چەند مفایەکێن خوارنا هێکان ئاشکرا دکەن.
ل دویف ئەنجامێن چەند ڤەکۆلینەکێ کو ل سەر هێکان هاتینە ئەنجامدان، دیار بوویە پترین مفایێ هێکان بۆ ئەوان کەسانە، کو تووشی قەلەویێ بووینە، ژبەرکو هێک هاریکارەک باشە بۆ کێمکرنا کێشی.
ئەڤەژی ڤەدگەریت ب هەبوونا رێژەیەکا زۆر یا ترشێ ئەمینی دناڤا پێکهاتەیا هێکێ دا، کو دبیتە ئەگەر کەسێن ب رۆژی ب خوارنا هێکێ هەست ب تێربوونێ بکەن و چ خوارنێن دی نەخۆن.
پسپۆر دبێژن، مەرج نینە هێک ب تنێ د دەمێ پاشیڤێ دا بهێنە خوارن، چونکی د دەمێ فتارێ دا ژی مفایێ خۆ هەیە، ب تایبەت ئەگەر ب شێوەیێ کەلاندی بهێتە خوارن و پتر سپیلکا هێکێ بهێتە خوارن، لێ خوارنا هێکێ د پاشیڤێ دا دو مفایێن خۆ هەنە، ئێکەم هاریکارە بۆ کێمکرنا کێشی و یا دوێ ژی ناهێلیت کەسێ ب رۆژی هەست ب برسیتیێ بکەت.
