چەکدارێن داعش منارا شنگال پەقاند
ئەڤرۆ نیوز:
چەکدارێن تیرۆرستێن داعش ئەڤرۆ سپێدێ منارا شنگال پەقاند و دھێتە چاڤەرێکرن چەند ئاڤاھیێن دژی ب پەقینن.
عيسا زێوه‌يى، فه‌رماندێن ليوا چار يا پێشمه‌رگێ كوردستانێ بۆ ئه‌ڤرۆ نيوز گۆت: “ئه‌ڤرۆ 22\3\2015 ل ده‌مژمێر 9:30 ده‌قيقه يێ سپێدێ منارا مێژوويى يا باژێرێ شنگال ژ لايێ چه‌كدارێن داعش ڤه هاته په‌قاندن كو ب شوونواره‌كێ مێژووى يێ وێ ده‌ڤه‌رێ دهێته نياسين”.
دا زانين ژى كو ژ ئه‌ڤرۆ سپێدێ چه‌كدارێن داعش ده‌ست ب په‌قاندنا مالێن شنگال كريه ئه‌وێن ل بن كۆنترۆلا وان و به‌رده‌وام يێ خانيان د په‌قينن.
ئاماژه ب وێ چه‌ندێ ژى كر كو ئه‌وان فرۆكێن هه‌ڤپه‌يمانان ئاگه‌هداركرينه كو چه‌كدارێن داعش يێ كاره‌كێ ژ ڤى ره‌نگى دكه‌ن، به‌لێ نه‌هاتينه بۆدومانا داعش بكه‌ن.
