چەکدارێن ڤاگنەری بووینە مەترسی بۆ وەلاتێن ئێکەتیا ئۆرۆپا
ل گۆر راپۆرتەکا مالپەرێ رادیو فەردا نها چەکدارێن ڤاگنەر ل بیلارۆسیا راهێنانان ب هێزێن سەربازی یێن بیلارۆسیا دکەن و ئەو یەک ژی بوویە جهێ مەترسیێ بۆ وەلاتێن ئێکەتیا ئۆرۆپا، چونکی دەزگەهێن هەوالگریێ وەسا دبینن چەکدارێن ڤاگنەر دشێن ئالۆزیێن مەزن بۆ هندەک وەلاتێن ئێکەتیا ئۆرۆپا دروست بکەن، ب تایبەتی ژی وەلاتێن هەڤسنۆر ل گەل بیلارۆسیا.
هندەک ژ چاڤدێرێن سیاسی ژی وەسا دبینن، ئارمانجا سەرەکی یا پۆتینی ژ هنارتنا فەرماندارێن گرۆپێ ڤاگنەر بۆ هندێ بوویە دا وان وەکو کارتەکا بهێز یا فشارێ ل دژی وەلاتێن ئێکەتیا ئۆرۆپا بکار بینن، دەمێ سوید ببیتە ئەنداما ناتۆیێ وی دەمی دێ رەوشەکا نوو هێتە پێش و دبیت ئالۆزیێن گەلەک مەزن ژی دروست ببن، ژ بەر هندێ ژی هژمارەک زێدە ژ وەلاتێن ئێکەتیا ئۆرۆپا چەکدارێن ڤاگنەر وەکو مەترسیەکا مەزن ل سەر ئاسایشا خوە دبینن.
