چ بایە؟
ئارام دهۆكی
ل ڤان رۆژان
بایەكێ گەرم ل زڤستانێ
یێ ب ڕێڤەیە
هندێ دبێژن
بایەكە ژ ناڤا دەریا تێ
هندێ د بێژن
یێ ژ ناڤا چەل و چیاتێ
ئەڤ بایە
نە لدەمێ خۆ هاتیە
یێ هشكە
باران ژێ نابارن
چ بهار د ویڤدا ناهێن
چ كانی و جۆ ژێ نازێن
ئەڤ بایە
نەیێ پاییزایە
بێدەرا پێ بدەنە بای
گەنم و كایێ ژێك ڤاڤێرە
هاتنا وی رێك
مینا عەورێن پەشێمانایە
تو گەل بكەڤی ڕێ پەشمانی
پێ نەكەی مال وێرانی
با تێن با دچن
هەر ئێك باندوورەكێ
لدویف خۆ دهێلیت
هن ئێشن و هن خەمن
هن ژی پێنگاڤێن
ب بەرەهەیا خۆ ناكەڤن
دەما تێت
زوو نەبن پەرێن سیرێ
ب دویف نەكەڤن
هەتا سار و گەرما
یێن وی ژێك جودا دبن
قێری و هەوار ئارام نەبن
سۆتن و وێران نە راوەستن
بن بر نەبن
نەهێلن با بجەرگ و دل و
بیبلكا چاڤا بكەڤن
دا دووماهیێ ئاخینكا
بۆ نە راهێلین
واری بۆ بجێ نەهێلن و
باركەن و برەڤن
ل دووماهیێ لدەوس
رێكا خۆ نە كەڤن.
