چ بوو ئەگەر تۆنی كرۆز بڕیارەكا دیرۆكی هەلبژێریت؟
جادەیا وەرزشی ل جیهانی و تایبەت یا فوتبۆلێ مژیلی ئەوێ داخویانییا سەرنجراكێش یا ستێرێ ئەلمانی و یانەیا ریال مەدرید یا ئسپانی تۆنی كرۆز ئەوێ ب فەرمی كاروانێ خوە یێ وەرزشی ب دووماهی ئینا پشتی كۆپا نەتەوەیێن ئۆرۆپا 2024ێ.
تۆنی كرۆز بۆ رۆژنامەیا ماركا یا ئسپانی گۆت: هەر كەسەكێ نێزیكی من د زانین بەری چەند سالان من گۆتبوو دێ دووماهییا من یا وەرزشی دگەل یانەیا ریال مەدرید بیت، لەوما وە رزێ ئەڤ سالە یا دووماهیێ یە و ئێدی بەسە یاریكرن هەرچەندە بڕیارەكا ب زەحمەت بوو، چەندین مەهـ بوو من هزر دكر دێ چەوا ب ئاشكەرایی دیاركەم، لەوما ئەڤە بوویە زەحمەترین بڕیار د ژیانا من دا، لێ دەمێ د ژیێ شەش سالی دا هەتا دگەهیتە 34 سالی دا یاریێ دكەیی پێنەڤێت بڕیارەكا نە خۆش بوویە ئەز پێ هەڕشیمە، من كاروانێ خو ەب دووماهی ئینا ب سەربلندی پشتی چەندین دەستكەفتێن مەزن دگەل یانە و هەلبژارتیێ خوە لەوما باشترە هەلبژارتنا ڤێ بڕیارێ بدەم دگەل تۆماركرنا كۆمەكا دەستكەفتان.
