چ هۆكارەك هـەیـە بتنێ دەنـگی ب لیستا پـارتـی و كـاندیدێن پـارتـی بدەین؟
جێگر رەشید هەركی
پارتی دیموكراتی كوردستان مێژوویەكا سپی و پڕشنگدارا هەی كو پڕە ژ دەستكەفتێن نەتەوایەتی بەرانبەر حوكمەتا ئیراقێ.
پارتی وەك نوونەرا ڕاستەقینەیا گەلێ كوردستانێ هەرگاڤ بەرگری ل كوردستانێ كریە و بەرانبەر ب زولم و ستەمكاریێن حوكمەتێن ئێك ل دویڤ ئێكێ یێن ئیراقێ ڕاوەستیایە و ڕێكنەدایە كوردستان زێدەتر بهێتە ئێشاندن و بێبەهر ببیت ژ مافێن ڕەوایێن گەلێ كوردستانێ.
پارتی د كەلێنێن دژوار و د مێژوویا خۆدا خەباتەكا زۆڕكریە و قوربانی و شەهیدێن زۆر داینە بۆ هندێ كو كورد ل ناڤ ئاخ و وەلاتێ پیرۆزێ خۆ سەربەست و سەرفرازببن و ل بن ئالایێ كوردستانێ ئێكڕێز و ئێك گۆتاربن بۆ هندێ دا كورد ب مافێن ڕەوایێن خۆ شاد ببن.
ل ناڤ هەمی هۆكاران دا هۆكارەكا گرنگ و سەردەمیانە هاتیە پێش كو بۆچی مە بڕیاردایە تنێ دەنگ ب لیستا 275 یا پارتی و كاندیدێن پارتی بدەین كو بچن بۆ ئەنجوومەنێ نوونەرێن ئیراقێ ل بەغدا؟
چونكی، مەدیتیە ل وەختێن سەخت و بڕیارێن چارەنڤیسساز تنێ پارتیە بەرگریێ ژ ئاخا پیرۆزا كوردستانێ دكەت و تنێ پارتیە كوردستانێ ئاڤەدان دكەت و پڕۆژەیان ڤەدكەت و خۆشگوزەرانیێ بەرقرار دكەت، هەروەها تنێ نوونەرێن حزبا پارتی بووینە بەرگریكار ل مافێن دەستووری یێن هەرێماكوردستانێ دناڤ پەرلەمانێ ئیراقێدا و سازشێ ل سەر مافێن دەستووریێن هەرێمێ ناكەن.
ڕۆن و ئاشكرایە د ناڤ پرسێن نیشتیمانی و نەتەوایەتی تنێ پارتییە كوردایەتی هەلبژارتی و پارتایەتی كریە ئامرازەك بۆ گەهشتنا كوردان ب مافێن خۆ و سازش ل سەر ئێك مافێ ڕەوا یێ گەلی كورد نەكریە.
ل درێژاهیا مێژوویێ دا زۆر شۆڕش و داستان و كەلێنێن سیاسی هەبوونە كو پارتی وەك حیزب خۆ كریە قەلغانەكا بهێز بۆ پاراستنا ئاخ و ئالا و دەستكەفتێن ب خوینێ بدەستڤەهاتی بۆ هندێ دا كورد و كوردستان سەرفراز و ئاڤەدان و خۆدان ماف ببن.
نموونەیەك و پەندەكا مێژووی و سەردەمی هەیە كو پارتی حزبایەتی وەك قەلغانەكێ و ئامرازەكی بكارئینایە بۆ بەرگریكرن ل ئاخا پیرۆزا كوردستانێ، نموونە: ئەنجامدانا ڕیفڕاندۆما سەربەخۆییا كوردستانێ بوو كو جەنابێ سەرۆك بارزانی سەرەڕای هەمی تەحەدییا و هەرەشێن ئیراقێ و ل ناڤ خۆ ل دەرڤە بڕیارا ئەنجامدانا ڕیفڕاندۆمێ ب ئامانج گەهاند و گەلێ كوردستانێ 92% دەنگێ بەلێ كرە تاپۆیا ڕەشا كوردستانێ بۆ گەهشتن ب سەربخۆییێ، پشتی ڕیفڕاندۆمێ ژی نەیارێن گەلێ كوردستانێ ل ناڤخۆ و ژ دەرڤە هەولدا ب هەجەتا ئەنجامدانا ڕیفڕاندۆمێ كوردستانێ بندەست بكەن و حزبا پارتی نەهێلن و چ تشتا نەهێلن بناڤێ كوردستانێ و پارتی، ئەو بوو ل داستانا پردێ و مەحموودیێ پارتی ب ڕابەرایەتیا سەرۆك بارزانی بڕیارا بەرگریكرنا سەرتاسەری دا و ل ڕێیا پێشمەرگەهێن قەهرەمان ب هەمی پیڤەران بەرگریەكا مێژووی كر و دوژمنێن كوردان ل سێ چار وەلاتێن دەوروبەر و جیهانێ شكاندن و تووشی شكەستنێ كرن و گورزەكا وەسا ل دوژمنان وەشاندن كو هەتا مێژوو هەیە دوژمنێن گەلێ كوردستانێ ژ بیرێ نەچیتەڤە و هزرا هندێ نەكەن كو بڤێت پارتی ژناڤببەن، ئەوەیە مەزناتی و سەروەریا پارتی كو وەكریە تنێ كاندیدێن پارتی هەلبژێرین بۆ هندێ ئەگەر چوون بۆ بەغدا بەرگریێ ژ مافێن ڕەوا یێن كوردان بكەن و مافێن كوردان مسۆگەر بكەن ل چارچووڤەیێ دەستوورێ ئیراقێ دا.
پشتی كابینەیا نەهێ یا پارتی وەك هەمی دزانن ب كابینەیا زێرینا كوردستانێ دهێتە زانین كو هەتا نوكە ژی زۆرترین پڕۆژە زۆرترین خزمەتگوزاری بێ فەرق و جوداهی ئەنجامداینە وەك چێكرنا ڕێك و پرا و ب بانكی كرنا مووچەیێ فەرمانبەران و پڕۆژەیێ ڕۆناكی و كارەبایا 24 دەمژمێری و چێكرنا بەنداڤ و كورنیشا و گرنگیدان ب كەرتێ كشتوكالی و گەشت و گوزاری، ئەڤە بوویە هۆكار كو ئەم پێشبینیێ دكەین پارتی سەركەفتنەكا مێژووی تۆمار بكەت لە دەنگدانا ڤێ جارێ؛ چونكی زۆرترین خزمەت ب گەلێ كورد و كوردستانێ كریە و وەلات ژ هەمی ڕوویانڤە خۆشگوزەران و سەقامگیر و ئاڤەدان كریە، نوكە ژی ب درووشمێ هەڤپشكی و هەڤسەنگی و لهەڤكرن، پشكدارە ل بانگەشەیا هەلبژارتنێن ئیراقێ و یا پێدڤیە ئەم هەمی دەنگی بدەینە لیستا 275 یا پارتی دا كو پتر و بلەزتر بشێت ئەو مافێن بدەستنەهاتی و هاتیە پێشیلكرن بدەستڤە بینیت.
