چ په‌یڤ ئاگرن
ئازاد مام ئاكره‌یی
ئه‌ی دل كه‌فر و ئاسنێ
چ زوو ته خستم زیندانێ
ته گرنژین ل سه‌ر لێڤێن من
بێ پرس و ڤه‌كۆلین
ب دارڤه كر
جانێ من
بێ هه‌مبێزكرن
ته كه‌ڤل و حشك كر
كا تو نابێژی
ئه‌و چ ئاگربوو
ئه‌ڤه ده‌مه‌ك دریژه
ژ به‌ر ده‌نگێ پێلێن
رۆندكێن چاڤێن من
ته‌ڤ گه‌ردوون ژ خه‌و رابوون
هند
ل جهی خوه ماینه چه‌ق به‌ستی
و هندك ژی كه‌فتن دوعا و نفیرنا
ده‌ما ئه‌ز دیتم
كه‌سه‌ك لال و ره‌به‌ن
چو هێز و ئاخفتن ڤێ نه مای
ته‌ڤ خه‌لكێ ڤی باژیری
بۆ حالی من گریان
