چ گاڤا چاڤ ب چاڤان كه‌ت
هه‌لبه‌ست: عسمه‌ت محه‌مه‌د به‌ده‌ل
چ گاڤا چاڤ ب چاڤان كه‌ت دلی لێدا ژ هش چوو سه‌ر
ژیان ده‌ربـــاز دبـــت بێ خه‌م جه‌سه‌د ئــازا دبــت هه‌ر هه‌ر
مـــرۆڤ نـــا مینـتـن هشیار دخــوازت بــار بـكـت هه‌ر جــار
ژ ڤان قه‌یدان بـــبــت رزگار چو خه‌م نـــاكــت بــبــت بێسه‌ر
دهێلـــت خه‌م بچن بــار كــن ل شـوونـا وێ بـبـت شــادی
بـبـت رۆژا كـو هه‌ر كه‌س لێ بـمینت مه‌سـت و سه‌وداسه‌ر
دلی بـــــانگ كـــــر خــوه‌شــم ئێدی م نــــاڤێ پاره و پایه
ئه‌ڤینه چاره‌یا رێیێ دكـــــــــــت فیرده‌وسه‌كــــــــــا پڕ ده‌ر
ده‌مێ دیدار دبـــت راســـتی د دلــدا خه‌م دبــت ئـاشـتی
دبـــــــت گاڤا هه‌مـــــــوو تـــشـــتی دبینی پاك و دلڤه‌كه‌ر
دبینی ئـــافـــرانـــدییان ته‌نێ جـــــانــــن د ره‌قــــــــسێ دا
ل به‌ر ئـــــــــاواز و مۆزیكـــــــــان دله‌یزینـــــــــن گیانێن ته‌ر
دبـــن حه‌لـــلاج، ســـوهره‌وه‌ردی، ئــبـن فــارزێ سۆفیگه‌ر
دبــــــن رۆمی ب زڤرینێ دفــــــردن مینــــــا سه‌مــــــاكه‌ر
وه‌كی خه‌ونێن شــرین و خــۆش دبۆرینـن ده‌مێن پڕ جۆش
دهاڤێژن هشێ پر هۆش دژین ده‌روێش و قه‌له‌نـــــــــــــده‌ر
نــــزانـــن خه‌م ل كـــــــوو جینه نه قه‌هر و نه دلــــبـــرینه
دلێن ڤالا ژ كه‌رب و كینه نه ده‌رد و كـــــــــول نه ژی كه‌سه‌ر
ئه‌ڤینــــدارن هه‌می گاڤا ل وان خــــوه‌شی نــــاچت ئـــاڤا
ب رۆژ و شه‌ڤ دكــــن لاڤا بــمینـن مه‌ســـت و به‌خـــته‌وه‌ر
دبن یه‌ك جان ل گه‌ل هه‌بوونێ دحه‌لیێن ناڤ ڤێ گه‌ردۆنێ
ژ رۆژا هاتــــــن و بـــــوونێ دمینـــــن پاك ل هه‌ر جی و ده‌ر
خــوه‌زایێ خــاڤ د نــاڤا خــوه د بـوهژینـت هه‌مــوو تـاكان
دبـــن یه‌ك پارچه‌یا تــشـتی دبـــن خـــاله‌ك نه بــت دو كه‌ر
دبـــن وه‌كهه‌ڤ بێ جـــوداهی دخه‌مــلینـن دلێن ســاهی
ب ره‌قـــــس و دیلان و شـــــاهی ڤیانێ دچینــــن هه‌ر ده‌ر.
