ڕاهێنەرێ ئیراقی پشت گەرمی ب پێنچ یاریزانێن كوردستانی كر
قەیس وەیس:
ب فەرمی فازەلین ماتچ ڕاهێنە هەلبژارتیێ ئیراقێ یێ باسكێت بۆلێ دێ پشت گەرمیێ ب پێنچ یاریزانێن كوردستانی د كەمپێ خوە یێ ڕاهێنانێ دا كەت، ئەوا نوكە ل وەلاتێ لوبنانێ دهێنە كرن خوە بەرهەڤكرن بۆ ڤاڤارتنێن ئاسیا و مۆندیالا جیهانی و بڕیارە د دو یاریێن مایی یێن ڤاڤارتنێن دەربازبوونێ ل 21 ڤێ مەهی بەرانبەر هەلبژارتیێ فلەستینێ بكەت و یارییا دویێ ل 24ێ ڤێ مەهێ یارییا خوە یا دویێ دگەل هەلبژارتیێ ئوردن بكەت ئەوا دێ هەردو یاری ل هۆلا گرتییا ئەلشەعب ل باژێرێ بەغدا هێنە كرن.
ل حەفتییا بوری فدراسیۆنا باسكێت بۆلا ئیراقێ ل سەر داخوازییا ڕاهێنەرێ هەلبژارتیێ خوە فازلین ماتیچ 19 یاریزان بۆ ناڤ رێزێن هەلبژارتیێ خوە داخوازكربوون ژبۆ ژێگرتنا 14 یاریزانان بۆ لیستا دووماهیێ بۆ كەمپێ ڕاهێنانێ، ئەو یاریزانێن نە داخوازكری دێ یەدەك مینن كو ل سەرجەمێ گشتی حەفت یاریزانێن كوردستانی دناڤ دابوون.
د لیستا پشكدار ل كەمپێ ڕاهێنانێ دا هەر ئێك ژ، موراد عەلی ژ یانەیا زاخۆ، دیسان فەرید رەعدی ژ یانەیا ئەلكەرخ یا بەغدایی، هەروەسان محەمەد ئەمین عەبدولخالق و میر ناریمان ژ یانەیا غازئەلشیمال، یاریزانێ حەفتێ رێكان عوسمان ڕەڤەندا كورد ل ئۆرۆپا و یانەیا شورتە یا بەغدایی، هەردو یاریزانێن دی یێن داناڤا هەلبژارتیێ ئیراقێ دا لێ نە هاتبوونە گازیكرن بۆ كەمپێ هەر ئێك ژ محەمەد عەلی و زنار هشیار یێن یانەیا زاخۆ نە.
بۆ زانین هەلبژارتیێ ئیراقێ ل سەر ئاستێ كچان ژی هەموو یاریزانێن وێ ژ ئافرەتێن كوردستانی نە ئەوێن ب سەرپەرشتییا راهێنەر ڕزگار تەوفیق كو ژلایێ خوەڤە بڕیارە ئەو ژی د ماوەیێ بهێت دا بەرهەڤییان بۆ ڤاڤارتنێن كۆپا ئاسیا بكەن.
